१८ फाल्गुन २०८०, शुक्रवार

पिङ हाल्नलाई साथीहरूसँग खर चोर्न जान्थेँ : गायक पौडेल

२०७९,आश्विन,१८,मंगलवार ११:५२

936
Shares

काठमाडौँ । यसपटकको दसैँमा लोक तथा दोहोरी गायक पुरुषोत्तम पौडेलको घरमा टीका छैन । घरमा टीका लगाउन नमिल्ने भए पनि गायक पौडेलले विगतमा जस्तै यसपटकको दसैँ रुपन्देहीको सैनामैनास्थित आफ्नो घरमै गएर मनाउने सोचमा छन् । टीका र जमरा लगाएर दसैँ मान्न नपाए पनि पौडेलले पारिवारिक जमघटका साथ दसैँ मान्ने योजना बनाएका छन् ।

अन्य समयमा भन्दा दसैँका बेला गाउँघरमा छुट्टै रौनकता छाउने बताउँदै गायक पौडेलले चाडपर्वमा प्रायः घर बाहिर रहेका सबै परिवारका सदस्यहरू एक जुट हुने हुँदा पनि हर्ष र खुसी बढ्ने बताउँछन् । ‘दसैँमा घरका परिवार र गाउँघरका साथीभाइको साथमा हुँदाको आनन्द नै बेग्लै हुने रहेछ,’ उनले भने, ‘परिवारका सबै सदस्यहरू एकजुट हुने, आफ्ना अग्रज तथा मान्यजनहरूका हातबाट टीका, जमरा र आर्शीवाद लिनुको आनन्द नै बेग्लै हुँदो रहेछ ।’

अर्घाखाँचीको बल्कोटमा जन्मिएपनि अहिले रुपन्देहीको सैनामैनामा बस्दै आएका पौडेल दसैँका बेला भने जन्मथलोको खुब याद आउँने बताउँछन् । ‘अर्घाखाँचीमा हुँदा दसैँको बेला पिङ हाल्नका लागि साथीहरूसँग अर्काको खर बारीमा खर चोर्न गएको सम्झना अझै पनि ताजा छ,’ उनी विगतमा पुगे, ‘गाउँघरतिर अझै पनि खरले बाटेको लट्टे पिङ खेल्ने चलन छ । तर, अहिले यो लोप हुने अवस्थामा पुगेको छ । त्यसैले पिङलगायतका लोपोन्मुख संस्कृतिहरूको हामी आफैले संरक्षण गर्नुपर्छ’ गायक पौडेलले लोकपथसँगको कुराकानीमा भने ।

त्यस्तै, दसैँमा टीका थाप्न आफन्तकहाँ गएको सम्झना पनि अझै ताजा छ । ‘गाउँमा छँदा घरमा आफ्नो बुवा आमा तथा अग्रजहरूको हातबाट टीका थापेपछि गाउँभरि रहेका आफन्तजनकोमा टीका र आर्शीवाद लिन दिनभर डुल्ने गरिन्थ्यो,’ उनी सम्झन्छन् ‘बच्चा बेलामा दक्षिणाको ठूलो महत्व हुन्थ्यो आफूभन्दा अरुले धेरै दक्षिणा पाएको देख्दा रिस उठ्थ्यो ।’

प्रकाशित मिति: २०७९,आश्विन,१८,मंगलवार ११:५२

प्रतिक्रिया दिनुहोस !
सम्बन्धित खबरहरु

काठमाडौं । पूर्व प्रधानमन्त्री एवं नेपाली कांग्रेसका सभापति शेरबहादुर देउवाले वर्तमान गठबन्धन पूरै कार्यकाल टिक्ने विश्वास व्यक्त गरेका छन् ।

काठमाडौं । राष्ट्रपति रामचन्द्र पौडेलले भजन शिरोमणि भक्तराज आचार्य नेपाली गीत संगीतको आकाशमा बिर्सनै नसक्ने नाम भएको बताएका छन् ।

काठमाडौं । त्रिकोणात्मक टी–२० अन्तर्राष्ट्रिय क्रिकेट शृंखलाको जारी तेस्रो खेलमा नेपालले नामिबियालाई पराजित गरेको छ ।नामिबियाविरुद्ध ३ रनले विजयी भएसँगै

काठमाडौं । त्रिकोणात्मक टी–२० अन्तर्राष्ट्रिय क्रिकेट शृंखलाको जारी तेस्रो खेलमा नेपालले नामिबियाको चौथो विकेट लिएको छ । १ सय ८१

ताजा समाचार

प्रिन्स र प्रफुल उपाधिका लागि पुन : भिड्ने
 २०८०,फाल्गुन,१८,शुक्रवार १७:५०
बालिका र सरस्वती महिला क्रिकेटको फाइनलमा
 २०८०,फाल्गुन,१८,शुक्रवार १७:४६
‘दिमागका फोहोर हटाउने साबुन साहित्य हो’
 २०८०,फाल्गुन,१८,शुक्रवार १७:३३
सेन्सर बोर्डप्रति दिपकराज गिरीको कटाक्ष
 २०८०,फाल्गुन,१८,शुक्रवार १६:५१
भरतपुरमा पर्यटन विकासको सम्भावना प्रचुर : ओली
 २०८०,फाल्गुन,१८,शुक्रवार १६:३०