१. आज नवरात्रको तेस्रो दिन, चन्द्राघण्टा देवीको उपासना गरिँदै, दसैँ घर वा पूजा कोठामा नौ दुर्गामध्येकी तेस्रो चन्द्रघण्टा देवीको विधिपूर्वक पूजाराधना गरियो ।
२. आगामी निर्वाचनका लागि आजबाट आचारसंहिता लागू, प्रधानमन्त्री, मुख्यमन्त्री, मन्त्री र स्थानीय जनप्रतिनिधिले कुनै दलबाट चुनाव प्रचार गर्न नपाउने, निर्वाचन आयोगको अनुमतिपछि मात्रै हेलिकोप्टर प्रयोग गर्न पाउने ।
३. संस्थापन पक्षले बन्दसूचीमा विभेद गरेको भन्दै असन्तुष्ट कांग्रेसको शेखर–गगन समूहले पार्टी कार्यालयमा थाल्यो धर्ना, बन्दसूची सच्याउन माग, माग पूरा नभए निर्वाचन बहिस्कार गर्नेसम्मको चेतावनी ।
४. वैकल्पिक राजनीतिको वकालत गर्दै आएका रवीन्द्र मिश्र राप्रपामा प्रवेश, आफूलाई तराजु छोडेर हलो रोज्न कुनै लाज नभएको जिकिर, पार्टीभित्र बखेडा नझिक्ने प्रतिवद्धता ।
५. कानुन निर्माणका क्रममा आफूले पनि गल्ती गरेको सभामुख अग्निप्रसाद सापकोटाद्वारा स्वीकार, गुणस्तरीय कानुन निर्माण गर्ने कुरालाई गहिरोगरी आत्मसाथ गर्न नसकेको स्पष्टोक्ती ।
६. समानुपातिकको बन्दसूचीले नेपाली कांग्रेस, एमालेसहित सबै राजनीतिक दलमा असन्तुष्टी, समानुपातिकमा शीर्ष नेताका आफन्त र पहुँचवाला व्यक्तिलाई छानीछानी अवसर दिइएको आरोप ।
७. देशभर निर्वाचन क्षेत्रमा गएर उम्मेदवारी घोषणा गर्न नेताहरुलाई राप्रपा अध्यक्ष राजेन्द्र लिङ्देनको आह्वान, मतदाताले विश्वासिलो विकल्प खोजिरहेको भन्दै राप्रपा पहिलो शक्ति बन्ने दाबी ।
८. जनताका पक्षमा जसले राम्रो काम गर्छ उसलाई समर्थन गर्नुपर्ने एमालेका वरिष्ठ उपाध्यक्ष ईश्वर पोखरेलको भनाइ, दलीय प्रणालीमा दललाई कमजोर बनाउने कुरा मान्य नहुने जिकिर ।
९. आजबाट दसैँका लागि खसी, बोका र च्याङ्ग्रा सहुलियत रुपमा बिक्री वितरण सुरु, प्रतिकेजी १० रुपैयाँ छुट, जिउँदो खसी र बोका ६ सय ७० तथा च्यांग्रा प्रतिकेजी १ हजार २ सय ५० पर्ने ।
१०. पछिल्ला दिनहरुमा कोरोना सक्रमितको संख्यामा कमि आउँदै, वितेको २४ घण्टामा १ जनाको मृत्युसहित ३८ नयाँ संक्रमित, १ हजार १ सय २२ जनामा मात्रै सक्रिय संक्रमित ।
११. दसैँका बेला पनि सेयर बजारमा देखिएन रौनक, बुधवार एकल अंकको सामान्य वृद्धि, परिसूचक ६ दशमलव ४१ अंकले वृद्धि हुँदा १ हजार ८ सय ३७ बिन्दुमा रोकियो बजार ।
१२. साउदी अरेबियाको प्रधानमन्त्रीमा युवराज मोहम्मद बिन सलमान नियुक्त, उपप्रधान र रक्षामन्त्रीसमेत भएका सलमान साउदीको भावी राजा बन्ने दौडमा ।
१३. बुर्किनाफासोमा भएको एक आक्रमणमा परी ११ सैनिकको मृत्यु, विद्रोहीहरुको आक्रमणमा परी २० सैनिकसहित २८ जना घाइते, कम्तिमा ५० जना सर्वसाधारण बेपत्ता ।
१४. अखिल नेपाल फुटबल संघ (एन्फा) को विशेष साधारणसभा सम्पन्न, नवनिर्वाचित कार्यसमिति सदस्यमा रुपेश अधिकारी र दीपेन्द्र धिमाल चयन ।
१५. आईसीसीले जारी गरेको टी–ट्वान्टी नयाँ वरीयतामा नेपाली राष्ट्रिय क्रिकेट टिमका दीपेन्द्र सिंह ऐरीको वरीयतामा सुधार, ब्याटिङतर्फ दीपेन्द्र ५९ औं स्थानमा कायम ।
यो खबर पढेर तपाईलाई कस्तो महसुस भयो ?
प्रतिक्रिया