काठमाडौं । ‘र्वल्ड टुरिजम डे’ को अवसरमा मंगलवारबाट नेपाल टुरिजम एमेच्योर गल्फ च्याम्पियनसिप हुने भएको छ । राजधानीमा सोमवार (आज) नेपाल गल्फ संघले पत्रकार सम्मेलन गरेर मंगलवारबाट आयोजान हुन लागेको प्रतियोगिताको सम्पूर्ण तयारी पूरा भएको जनाएको हो ।
प्रतियोगितामा ५४ होलको खेल हुनेछ । तीन दिने प्रतियोगितामा नेपाल, बंगलादेश, कतार र मलेसियाका ३६ खेलाडीको सहभागिता रहनेछ । पुरूष र महिलाको टिम प्रतिष्पर्धा पनि हुनेछ ।
यो र्वल्ड र्याङकिङ प्रतियोगिता हो । त्यसैले महिला नेपाली गल्फरको लागि र्वल्ड र्याङकिङमा स्थान बनाउने अवसर पनि हो । नेपालका नम्बर एक गल्फर सुवास तामाङ र अर्का युवा खेलाडी सद्भाव आचार्यले नेपाल टिम ए तथा सी छिरिङ र वान्चेन ढोन्डुपले नेपाल टिम बीचबाट प्रतिष्पर्धा गर्नेछन् । टिम प्रतिष्पर्धामा बंगलादेश र कतारको पनि सहभागिता रहने छ ।
महिलातर्फ भने कुल पाँच टिमले प्रतिष्पर्धा गर्नेछन् । यसैगरी प्रत्येक दिन ग्रस विजेता पनि चुनिने गल्फ संघले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया