काठमाडाैं । घटस्थापना अगावैदेखि राजधानीका बसपार्कमा चहलपहल सुरु भइसकेको छ । फाट्टफुट्ट रूपमा यात्रु घर जान थालेका छन् । धेरैले टिकट बुकिङ गरिसकेका छन् । यसपाली दसैंमा लाखौं सर्वसाधारणले उपत्यका छाड्ने यातायात व्यवस्था विभागको अनुमान छ ।
यसपाली दसैँका लागि विभागले असोज २ गतेबाट अग्रिम टिकट बुकिङ खुला गरेसँगै यतिबेला गोंगबु बसपार्क क्षेत्र टिकट काट्नेहरुको भिडभाड देखिन्छ । चाडपर्व नजिकिनेबेला बसपार्कमा भिडभाड हुनु नौलो कुरा भने होइन । यद्यपि, गत वर्षहरुको तुलनामा यसपाली बढी भिड बढेको छ ।
विभिन्न यातायात कम्पनीहरुले अनलाइनमार्फत टिकट काट्ने व्यवस्था गरेपनि भरपर्दो नभएको सेवाग्राहीहरुको गुनासो छ ।
हेर्नुहोस् तस्बिर :
तस्बिर/भिडियाे : अभिषेक लम्साल
यो खबर पढेर तपाईलाई कस्तो महसुस भयो ?
प्रतिक्रिया