१. नागरिकता विधेयक प्रमाणीकरण नगरेर संवैधानिक दायरा मिचेको भन्दै राष्ट्रपति विद्यादेवी भण्डारीविरुद्ध सर्वोच्च अदालतमा परेको रिटमाथि भएन सुनुवाइ, परमादेशको माग गर्दै परेको रिट हेर्न नभ्याइने सूचीमा ।
२. मंसिरमा हुने चुनावका लागि निर्वाचन आचारसंहिता जारी गर्दै निर्वाचन आयोग, प्रतिवद्धता पत्रमा हस्ताक्षरका लागि प्रधानमन्त्रीसहित प्रमुख राजनीतिक दलका नेतालाई आइतबार बोलाउने आयोगको तयारी ।
३. नेपाली कांग्रेसको संस्थापन पक्षले प्रतिनिधि र प्रदेशसभा निर्वाचनको टिकट बाँडफाँट एकलौटी गर्न खोजेको शेखर कोइराला समुहको आरोप, समानुपातिक बन्दसूची बुझाउँदा संस्थापन पक्षबाट पक्षपाती व्यवहार भएको निष्कर्ष, छिट्टै खबरदारी सभा आयोजना गर्ने तयारी ।
४. नागरिकता विधेयक प्रमाणीकरण नगरेको भन्दै राष्ट्रपति विद्यादेवी भण्डारीविरुद्ध मधेशमा चरणवद्ध आन्दोलन गर्ने जसपाको घोषणा, असोज ७ गतेदेखि १७ गतेसम्म नागरिक समाजसँग अन्तक्रिया र वडास्तरमा प्रदर्शन गर्ने ।
५.हजारौंको बलिदानीबाट प्राप्त उपलब्धि खोस्ने षड्यन्त्र भइरहेको माओवादी केन्द्रका अध्यक्ष पुष्पकमल दाहालको जिकिर, प्रतिगामी तत्वहरुलाई परास्त गर्न फेरि सडकमा उत्रिन कार्यकर्तालाई आग्रह ।
६. एमाले लगायतका दलसँग चुनावी सहकार्य गर्न लोसपाले बनायो वार्ता समिति, पार्टीका वरिष्ठ नेता राजेन्द्र महतोको संयोजकत्वमा ६ सदस्यीय समिति गठन ।
७. नेपाल र कोरियाबीच दुई वटा आयोजना कार्यान्वयन सम्बन्धी समझदारी पत्रमा हस्ताक्षर, कोरिया सरकारले नेपाललाई १ करोड ६० लाख अमेरिकी डलर अनुदान सहायता उपलब्ध गराउने ।
८. नेपालस्थित अमेरिकी दूतावासमा नक्कली शैक्षिक प्रमाणपत्र पेश गरेको आरोपमा काठमाडौंबाट ९ जना पक्राउ, इडीभीमा नाम निकालेर भिसा प्रक्रियामा नक्कली एकेडेमिक ट्रान्सक्रिप्ट बनाएर पेश गरेको आरोप ।
९. टुकुचाको भूमिगत सुरुङ राणाकालमै बनेको पुरातत्व विभागद्वारा गठित अध्ययन समितिको निष्कर्ष, समितिले दसैंअघि नै विभागमा प्रतिवेदन बुझाउने, विभागले टुकुचाको सुरुङमार्गलाई पुरातात्विक सम्पदाका रुपमा मान्यता दिए महानगरले भत्काउन नपाउने ।
१०. डेंगु संक्रमण बढेसँगै बजारमा सिटामोलको चरम अभाव, डेंगु संक्रमित बिरामीहरु समस्यामा ।
११. नेपाल राष्ट्र बैंकले आगामी आइतबार पुनः १२ अर्ब १० करोड रुपैयाँको ट्रेजरी बिल बिक्री गर्ने, असोज ११ गते जारी मिति तोकिएको ट्रेजरी बिल खरिदका लागि वाणिज्य बैंक, विकास बैंक र फाइनान्स कम्पनीहरुले भाग लिन सक्ने ।
१२. ४१ जना नागरिक बोकेको डुङ्गा कम्बोडियाको तटीय क्षेत्रमा पल्टिँदा २३ चिनियाँ नागरिक बेपत्ता, डुङ्गामा सवार १८ जनाको उद्धार ।
१३. इरानमा एक कुर्दिश युवती महसा अमिनीको हिरासतमा ज्यान गएको विषयलाई लिएर भएको आन्दोलनले लियो उग्र रुप, सुरक्षाकर्मी र प्रदर्शनकारीबीच भएको झडपमा १७ जनाको मृत्यु ।
१४. स्पेनिस महिला राष्ट्रिय फुटबल टिमका प्रशिक्षक जर्ज भिल्दालाई हटाउन माग गर्दै १५ स्पेनिस महिला फुटबलरले दिए राजीनामा, खेलाडीलाई राष्ट्रिय प्रशिक्षकमाथि प्रश्न उठाउने अधिकार नभएको र यो एक गम्भीर अनुशासन उल्लंघन भएको रोयल स्पेनिस फुटबल फेडेरेसनको भनाइ ।
१५. नेपाल पुलिस क्लबले महिला राष्ट्रिय क्रिकेट टिमकी कप्तान रुबिना क्षेत्रीको नेतृत्वमा निर्माण ग¥यो महिला क्रिकेट टोली, नवौँ राष्ट्रिय खेलकुद अन्तर्गतको महिला क्रिकेटमा सहभागी गराउने योजना, स्वर्ण जित्ने लक्ष्य ।
यो खबर पढेर तपाईलाई कस्तो महसुस भयो ?
प्रतिक्रिया