२१ आश्विन २०७९, शुक्रवार

राष्ट्रपतिको कदमविरुद्ध सरकार अदालत नजानेदेखि विप्लवसहितका चार कम्युनिष्ट पार्टीद्वारा चुनाव बहिष्कार गर्ने घोषणा (भिडियोसहित)

२०७९,आश्विन,६,बिहीवार २०:४५

108
Shares

१. नागरिकता विधेयक प्रमाणीकरण नगरेको भन्दै राष्ट्रपतिसँग रुष्ट बनेको सरकार राष्ट्रपतिको उक्त कदमविरुद्ध अदालत नजाने, संविधानविद् र कानुन व्यवसायीको रायका आधारमा अघि बढ्ने सरकारको रणनीति ।

२. सामाजिक सेवाको माध्यमबाट नै समाजमा रुपान्तरण सम्भव रहेको प्रधानमन्त्री शेरबहादुर देउवाको भनाइ, आफ्नो निजी स्वार्थ भन्दा माथि उठेर समाजको हित र कल्याणमा लाग्न आग्रह ।

३.राष्ट्रपतिको अपमान गर्नुलाई गठबन्धनले आफ्नो महानता ठानेको नेकपा एमालेका अध्यक्ष केपी शर्मा ओलीको आरोप, ६ महिनासम्म प्रधानन्यायाधीश चोलेन्द्रशमशेर जबराविरुद्ध महाअभियोग प्रस्तावलाई अगाडि नबढाएर दराजमा थन्क्याएको टिप्पणी ।

४. सभामुख र उपसभामुखको पद खाली गराउन माग गर्दै अधिवक्ता किशोर पौडेल, जगन्नाथ दुलाल र अनुपम भट्टराईले दायर गरे सर्वोच्चमा रिट, रिटमाथि सुनुवाइ गर्न शुक्रबारका लागि पेशी तोकियो ।

५. काठमाडौंबाट हेटौंडाका लागि छुटेको ना ३ ख ७८५८ नम्बरको यात्रुबाहक बस मकवानपुरको भीमफेदीमा दुर्घटना हुँदा ७ जनाको मृत्यु, १७ जना घाइते, रुकुम पूर्वको भूमेमा पनि बस दुर्घटना हुँदा ५ जनाको मृत्यु, ३ जना घाइते ।

६. धादिङको गजुरीमा यात्रुवाहक बसको ठक्करबाट ६ वर्षीय बालकको मृत्यु, स्थानीयद्वारा बसमा आगजनी, बस चालक प्रहरी नियन्त्रणमा ।

७. वैद्य र विप्लवसहित चार कम्युनिष्ट पार्टीद्वारा चुनाव बहिष्कार गर्ने घोषणा, संसदीय चुनावमा भाग लिनु दुःख, शोषण र उत्पीडनलाई अझ हुर्काउनु भएको उल्लेख ।

८. काठमाडौं विश्वविद्यालयका विद्यार्थीले बनाए १ लिटर पेट्रोलबाट १५० किलोमिटर गुड्ने गाडी, गाडीलाई सेल इको म्याराथनमा सहभागी हुन पैसा जुटाइँदै ।

९.बडादसैँ तथा दिपावली नजिकिएसँगै रोजगारीका लागि छिमेकी राष्ट्र भारत गएका नेपालीको स्वदेश फर्कने क्रम बढ्दो, भदौ महिनामा मात्रै ७६ हजार नेपाली वैदेशिक रोजगारीका लागि विदेशिए ।

१०. नेपालमा पछिल्लो २४ घण्टामा गरिएको ३ हजार २ सय ६२ परीक्षणमा थप ६६ जनामा कोरोना संक्रमण पुष्टि, १ सय ३७ जना संक्रमणमुक्त ।

११. साताको अन्तिम कारोबार दिन सेयर बजारमा गिरावट, नेप्से परिसूचक ९ दशमलव ८३ अंकले घट्दा कारोबार रकम साढे ६५ करोडमा सीमित ।

१२. श्रीलंकामा खाद्यान्नको मूल्य ८४ प्रतिशतले वृद्धि, ७० वर्षपछिकै सबैभन्दा खराब आर्थिक संकटमा श्रीलंका ।

१३. जर्मनीले रुस युक्रेन युद्धबीच ऊर्जा आपूर्ति सुरक्षित गर्ने ग्यास कम्पनी युनिपरलाई राष्ट्रियकरण गर्ने, सम्झौतापछि जर्मन सरकारले ८ दशमलव ५ अर्बको लागतमा कम्पनीको ९८ दशमलव ५ प्रतिशत हिस्सेदारी लिने ।

१४. नेपालमा पहिलो पटक अन्तराष्ट्रिय एमएमए फाइट प्रतियोगिता आयोजना हुने, असोज ८ गते हुने प्रतियोगितामा नेपाल र भारतका खेलाडी भिड्ने ।

१५. र बंगलादेशविरुद्धको मैत्रीपूर्ण खेलका लागि नेपाली राष्ट्रिय फुटबल टिमको घोषणा, ४ जना गोलकिपर टोलीमा रहँदा नवयुग श्रेष्ठ टिम बाहिर ।

प्रकाशित मिति: २०७९,आश्विन,६,बिहीवार २०:४५

प्रतिक्रिया दिनुहोस !
सम्बन्धित खबरहरु

तनहुँ । गत बुधवार साँझदेखि परेको अविरल वर्षाका कारण पृथ्वीराजमार्ग अन्तर्गत तनहुँ खण्डको दुई स्थानमा पहिरो खस्दा राजमार्ग अवरुद्ध भएको

काठमाडौं । सत्तारुढ पाँचदलीय गठबन्धबाट जनता समाजवादी पार्टी (जसपा) बाहिरीएको छ । सिट बाँडफाँटमा असन्तुष्टि जनाउँदै बिहीबार बाहिरीएको जसपा अब

काठमाडौं । भ्रमणकारी टोली दक्षिण अफ्रिकाले घरेलु टोली भारतलाई पहिलो एकदिवसीय क्रिकेटमा ९ रनले हराएको छ । बिहीवार राति वर्षा

काठमाडौं । आज आश्विन शुक्ल पक्षको द्वादशी, बडादसैँको टीका लगाउने क्रम आज पनि जारी छ । नवरात्रभर नवदुर्गा भवानीको पूजा

ताजा समाचार

पृथ्वीराजमार्गमा पहिरो खस्दा सडक अवरुद्ध
 २०७९,आश्विन,२१,शुक्रवार ०८:५२
दक्षिण अफ्रिकाले भारतलाई हरायो
 २०७९,आश्विन,२१,शुक्रवार ०७:५९
बडादसैँको टीका आज पनि लगाइदै
 २०७९,आश्विन,२१,शुक्रवार ०७:४८
थाहा पाउनुहोस् आजको राशिफल
 २०७९,आश्विन,२१,शुक्रवार ०७:३४