२१ आश्विन २०७९, शुक्रवार

लोकपथ टप फिप्टिन : राष्ट्रपतिबाटै संवैधानिक व्यवस्थाको उल्लंघन, अनशनरत डा. केसी आए काठमाडौं

२०७९,आश्विन,५,बुधबार २०:३८

79.083k
Shares

१. राष्ट्रपतिले नागरिकता विधेयक प्रमाणीकरण नगरेर संवैधानिक व्यवस्था उल्लंघन गरेको सत्ता गठबन्धनको ठहर, कानुनविद्हरुको रायका आधारमा गठबन्धनले थप धारणा बनाउने ।

२. नेपाली कांग्रेसको निर्वाचन घोषणापत्र तयारी समितिमा ४१ सदस्य मनोनित, महामन्त्री विश्वप्रकाश शर्मालाई संयोजकको जिम्मेवारी ।

३. राष्ट्रपति विद्यादेवी भण्डारीले नागरिकता विधेयक प्रमाणीकरण नगरेको कदमको युवा संघ नेपालले गर्याे स्वागत, काठमाडौंको बानेश्वरमा स्वागत र्‍याली, राष्ट्रपतिको कदमलाई ऐतिहासिक कदमको संज्ञा ।

४. राष्ट्रपतिको कदमविरुद्ध अदालत जाने तयारीमा रहेको नेकपा माओवादी केन्द्रमा अध्यक्ष प्रचण्डको भनाइ, राष्ट्रपतिको कदमविरुद्ध आजैदेखि युवा विद्यार्थीहरु सडकमा आन्दोलित भइसकेकाले अब संघर्ष नरोकिने अडान ।

५. जय नेपाल हलसहित ४१ कम्प्लेक्सलाई काठमाडौं महानगरपालिकाको उर्दी, १० दिन भित्र कर नबुझाए कारवाही गर्ने चेतावनी ।

६. अनसनरत डा। गोविन्द केसी थप उपचारका लागि काठमाडौं आइपुगे, त्रिभुवन शिक्षण अस्पतालमा थप उपचार गरिने ।

७. नेपाल र जापानबीच तराई सिंचाई र शहरी प्रशारण प्रणाली सुधारका दुई सम्झौतामा हस्ताक्षर, हस्ताक्षरसँगै नेपालले करिब दुई अर्ब नेपाली रुपैयाँ अनुदान सहायता पाउने ।

८. फुटपाथ र सार्वजनिक स्थान व्यवस्थित गर्ने अभियानमा जुट्यो ललितपुर महानगरपालिका, अतिक्रमण गरेर बनाइएका संरचना हटाउन ३५ दिने सूचना ।

९.सामाजिक सुरक्षा भत्ता हिनामिना गर्ने जुम्ला, चन्दननाथ नगरपालिकाका पञ्जिकरण शाखा प्रमुख खरिदार राजेन्द्रबहादुर भण्डारीविरुद्ध भष्ट्राचार मुद्दा दायर, २० लाख ७८ हजार ६ सय रुपैयाँ छोराको व्यक्तिगत खातामा जम्मा गरेको आरोप ।

१०.नेपालमा पछिल्लो २४ घण्टामा गरिएको ३ हजार ४ सय ४७ परीक्षणमा थप ८१ जनामा कोरोना संक्रमण पुष्टि, १ सय ७५ जना कोरोना संक्रमण मुक्त ।

११. बुधबार सेयरमा दोहोरो अंकको सुधार, नेप्से ११ दशमलव २२ अंकले बढ्दा कारोबार रकम ७२ करोडमा सीमित ।

१२. रुसी राष्ट्रपति पुटिनले दिए देशमा सैन्य परिचालनको आदेश, पुटिनको सेना परिचालन आदेश कमजोरीको संकेत भएको अमेरिकाको टिप्पणी ।

१३. म्यानमार सेनाले विद्यालयमा गोली चलाउँदा १३ जनाको मृत्यु, दर्जनौ घाइते, विद्रोहीहरूले आफूमाथि आक्रमण गर्न भवन प्रयोग गरेकाले गोली चलाउनुपरेको सेनाको दाबी ।

१४. अर्जेन्टिनाका मेस्सी, ब्राजिलका नेयमार र फ्रान्सका एमबाप्पेलाई पछि पार्दै रोनाल्डो बने सर्वाधिक प्रभावशाली फुटबलर, म्यानचेस्टर युनाईटेडका रोनाल्डोको औषत प्रति पोस्ट मूल्य ३।५ मिलियन भन्दा बढी ।

१५. नेपाली राष्ट्रिय क्रिकेट टिमका ब्याट्सम्यान कुशल भुर्तेल र दीपेन्द्र सिंह ऐरीको आईसीसी ब्याटिङ वरीयतामा सुधार, नयाँ वरीयता अनुसार कुशल ५१ औं तथा दीपेन्द्र ५८ औं स्थानमा ।

प्रकाशित मिति: २०७९,आश्विन,५,बुधबार २०:३८

प्रतिक्रिया दिनुहोस !
सम्बन्धित खबरहरु

तनहुँ । गत बुधवार साँझदेखि परेको अविरल वर्षाका कारण पृथ्वीराजमार्ग अन्तर्गत तनहुँ खण्डको दुई स्थानमा पहिरो खस्दा राजमार्ग अवरुद्ध भएको

काठमाडौं । सत्तारुढ पाँचदलीय गठबन्धबाट जनता समाजवादी पार्टी (जसपा) बाहिरीएको छ । सिट बाँडफाँटमा असन्तुष्टि जनाउँदै बिहीबार बाहिरीएको जसपा अब

काठमाडौं । भ्रमणकारी टोली दक्षिण अफ्रिकाले घरेलु टोली भारतलाई पहिलो एकदिवसीय क्रिकेटमा ९ रनले हराएको छ । बिहीवार राति वर्षा

काठमाडौं । आज आश्विन शुक्ल पक्षको द्वादशी, बडादसैँको टीका लगाउने क्रम आज पनि जारी छ । नवरात्रभर नवदुर्गा भवानीको पूजा

ताजा समाचार

पृथ्वीराजमार्गमा पहिरो खस्दा सडक अवरुद्ध
 २०७९,आश्विन,२१,शुक्रवार ०८:५२
दक्षिण अफ्रिकाले भारतलाई हरायो
 २०७९,आश्विन,२१,शुक्रवार ०७:५९
बडादसैँको टीका आज पनि लगाइदै
 २०७९,आश्विन,२१,शुक्रवार ०७:४८
थाहा पाउनुहोस् आजको राशिफल
 २०७९,आश्विन,२१,शुक्रवार ०७:३४