काठमाडौं । मंसिर ४ गतेका लागि तय भएको प्रतिनिधि र प्रदेश सभा निर्वाचनका लागि गठबन्धन गर्ने निर्णय गरका सत्तारुढ दलहरुलाई सिट बाँटफाँडको टुंगो लगाउन सकस परिरहेको छ ।
निर्वाचनका लागि समानुपातिक सदस्यहरुको सूची बुझाएसँगै दलहरु प्रत्यक्षतर्फको उम्मेदवारी टुंगो लगाउन जुटेका छन् । मंगलवार विभिन्न चरणमा छलफल गरेका गठबन्धनका दलहरुले सिट बाँटफाँड टुंगोमा पुग्न लागेको दाबी गरेका छन् ।
सत्तारुढ गठबन्धनका नेताहरुले भोलिसम्ममा सिट बाँटफाँड टुंग्याउने दाबी गरेका हुन् ।
बैठकमा सहभागी एक नेताले भोलिसम्ममा सिट बाँटफाँड टुग्याउने दाबी गरे । ‘छलफल जारी छ । भोलिसम्म टुंग्याउने भन्ने सहमति भएको छ’ उनले भने ।
१ सय आसपासका निर्वाचन क्षेत्रमा कुरा मिलिसकेको र केही क्षेत्रमा दुई र केहीमा तीन दलले दाबी गरिरहेकोले त्यसबारे छलफल केन्द्रीत भएको उनको भनाइ थियो ।
यो खबर पढेर तपाईलाई कस्तो महसुस भयो ?
प्रतिक्रिया