२१ आश्विन २०७९, शुक्रवार

साताको पहिलो दिन सेयर बजारमा दोहोरो अंकको गिरावट

२०७९,आश्विन,२,आईतवार १६:०७

9
Shares

काठमाडौं । साताको पहिलो दिन नेप्से परिसूचक उच्च अंकले घटेको छ । पछिल्लो समय निरन्तररुपमा घटिरहेको नेप्से परिसूचक आईतवार ३३ दशमलव ९७ अंक घटेर १८७६ दशमलव ४१ बिन्दुमा झरेको हो । आईतवार नेप्से परिसूचक १९ सय अंकको बिन्दुबाट पनि तल झरेको छ । त्यस्तै, सेन्सेटिभ इण्डेक्स ६ दशमलव ०४ अंकले घटेको छ भने फ्लोट इण्डेक्स २ दशमलव ३३ अंक र सेन्सेटिभ फ्लोट इण्डेक्स २ दशमलव ३६ अंकले घटेको छ ।

आज कारोबारमा आएका २ सय २९ कम्पनीको ६२ लाख ९६ हजार कित्ता सेयर १ अर्ब ६० करोड १८ लाख २२ हजार रुपैयाँ बराबरको खरिदबिक्री भएको छ । वाणिज्य बैंकहरुले ब्याजदर बढाउने निर्णय गरेसँगै नेप्से परिसूचक निरन्तर रुपमा उच्च अंकले गिरावट आइरहेको छ । नेप्सेका १३ उपसमूहको परिसूचक घटेको छ । जसमा व्यापार उपसमूहको परिसूचक ३ दशमलव २४ प्रतिशतले घटेको छ ।

त्यस्तै, जलविद्युत उपसमूहको परिसूचक ३ दशमलव ०९ प्रतिशत घटेको छ भने विकास बैंक, वित्त, जीवन बीमा, म्युचुअल फण्ड र अन्य उपसमूहको परिसूचक २ प्रतिशतभन्दा बढी घटेको छ । नेप्सेपरिसूचक उच्च अंकले घटेपनि ग्लोबल आइएमई समुन्नत स्किमको इकाईमूल्य ५ दशमलव ३५ प्रतिशतले बढेको छ ।

त्यसैगरी, नेपाल ल्यूब आयलको मूल्य ४ प्रतिशत बढेको छ । तर, यता बलेफी हाइड्रोपावर र दोर्दी खोला जलविद्युतको सेयर मूल्य ७ प्रतिशतभन्दा बढीले घटेको छ । आज लक्ष्मी बैंकको २१ करोड ३८ लाख रुपैयाँ बराबरको सेयर कारोबार भएको छ ।

प्रकाशित मिति: २०७९,आश्विन,२,आईतवार १६:०७

प्रतिक्रिया दिनुहोस !
सम्बन्धित खबरहरु

यतिबेला दसैँको माहोलले गाउँसहरलाई छपक्कै छोपिसकेको छ । सबै परिवार एकै ठाउँमा जम्मा भएर मीठो खाने, राम्रो लगाउने अनि रमाइलो

काठमाडौं । नेपााल राष्ट्र बैंकले डेट लाईन नैं तोकेर चालु पुंजी कर्जा सम्वन्धी संसोधित व्यवस्था कार्यान्वयनमा ल्याउन निर्देशन दिएको छ

काठमाडौं । नेपालमा युवा र सरकारबीचको विश्वास बढाउन र प्रमाणमा आधारित नीति निर्माणलाई प्रवर्धन गर्न निम्बस र दायित्व बीच साझेदारी

काठमाडौं । कामना सेवा विकास बैंक र होटल जल महल पोखराबीच मर्चेन्ट सम्झौता सम्पन्न भएको छ । यस सम्झौता अन्तर्गत

ताजा समाचार

पृथ्वीराजमार्गमा पहिरो खस्दा सडक अवरुद्ध
 २०७९,आश्विन,२१,शुक्रवार ०८:५२
दक्षिण अफ्रिकाले भारतलाई हरायो
 २०७९,आश्विन,२१,शुक्रवार ०७:५९
बडादसैँको टीका आज पनि लगाइदै
 २०७९,आश्विन,२१,शुक्रवार ०७:४८
थाहा पाउनुहोस् आजको राशिफल
 २०७९,आश्विन,२१,शुक्रवार ०७:३४