९ फाल्गुन २०८०, बुधबार

फूल अभावले पाँच गुणा मूल्य बढ्यो

२०७४,आश्विन,३१,मंगलवार १०:२२

0
Shares

 भक्तपुर, ३१ असोज ।वार्षिक रु पाँच करोडको फूल तथा फूलको माला बिक्री हुने जिल्लामा यस वर्ष फूलको अभाव भएको छ ।यस वर्ष फूलको माग दोब्बर भएको छ । उत्पादन कम भएपछि मूल्यमा पाँच गुणाले वृद्धि भएको छ । मखमली फूलको उत्पादन पर्याप्त भएपनि सयपत्री फूलको उत्पादन भने विगत वर्षका तुलनामा कम भएपछि मूल्य पाँच गुणाले वृद्धि भएको हो ।गुण्डुमा पाँच वर्षदेखि फूलखेती गर्दै आउनु भएकी ५० वर्षीया सीता थापा यस वर्ष विगत वर्षभन्दा फूलको माग दोब्बर भएको र मागअनुसार मूल्य बढाउनु परेको बताउछन ।विगतका वर्षमा एक थुंगा सयपत्री फूल एक रुपैँयामा बिक्री गर्दै आएका सूर्यविनायक नगरपालिका गुण्डुका किसान यस वर्ष प्रतिथुंगा पाँच रुपैयामा बिक्री गरिरहेका छन् । यहाँका एक सयभन्दा बढी किसानले आधा रोपनीदेखि पाँच रोपनी जग्गामा फूलखेती गर्दा एक वर्षमा रु ५० हजारदेखि रु आठ लाखसम्म आम्दानी हुन थालेपछि किसान फूलखेतीतर्फ आकर्षित हुँदै गएका छन् ।गुण्डुकी ४८ वर्षीया देवु कुँवर दिनको रु ५०० ज्याला तिरेर मखमली फूलको माला गाँस्न लगाएको बताउछन । एउटा माला रु २५ देखि रु ५० सम्ममा बिक्री गर्ने गरेको उहाँले बताए । सयपत्री फूल उत्पादन कम भएकाले एउटै थुंगा पाँच रुपैयाँमा बिक्री गर्ने गरेको कुँवरले बताए ।फूल र माला खोज्न गाउँ/गाउँमै एक महिना अघिदेखि व्यापारी आउने भएकाले बजार खोज्दै जानु नपर्ने भएपछि सहज भएको फूलको व्यापार गर्दै आउनुभएकी ३० वर्षीया सविना नगरकोटी बताउछन । यस वर्ष मागअनुसारको माला र फूल दिन नसक्दा समस्या परेको बताउँदै उहाँले फूलखेती गर्ने जग्गाको समेत अभाव भएको बताए ।पाँच वर्षदेखि जग्गा भाडामा दिएर फूलखेती गर्दै आएकी स्थानीयवासी इन्दिरा नगरकोटी फूलबाट मनग्य आम्दानी हुने भए पनि मागअनुसारको फूल उत्पादन गर्न नसकेको बताए । सयपत्री फूल भर्खरै फुल्न थालेकाले फूलको अभाव भएको छ । 

प्रकाशित मिति: २०७४,आश्विन,३१,मंगलवार १०:२२

प्रतिक्रिया दिनुहोस !
सम्बन्धित खबरहरु

काठमाडौं । सामसङ ग्लोक्सीले नेपालमा ग्यालेक्सी ए १५ ५जी ल्याएको छ । ग्लोक्सी ए सिरिज अन्तरगर्तको आधुनिक प्रविधि जडित ए

काठमाडौं । नेपाल राष्ट्र बैंकले शनिबारका लागि विदेशी मुद्राको विनिमयदर तोकेको छ । राष्ट्र बैंकका अनुसार, आज अमेरिकी डलर एकको

काठमाडौं । नेपाल राष्ट्र बैंकले आजका लागि विदेशी मुद्राको विनिमय दर सार्वजनिक गरेको छ । राष्ट्र बैंकका अनुसार आज अमेरिकी

काठमाडौं । नेपाल राष्ट्र बैंकले आजका लागि विदेशी मुद्राको विनिमयदर सार्वजनिक गरेको छ । राष्ट्र बैंकका अनुसार आज अमेरिकी डलर

ताजा समाचार

नामिवियाको पहिलो विकेट पतन
 २०८०,फाल्गुन,९,बुधबार १२:३७
माटोमा शिल्प भरेर चलेको वीरपालको जीविका
 २०८०,फाल्गुन,९,बुधबार १२:०६
आत्मदाहको प्रयास गरेकी महिलाको मृत्यु
 २०८०,फाल्गुन,९,बुधबार ११:४५
मोटरसाइकल दुर्घटनामा युवकको मृत्यु
 २०८०,फाल्गुन,९,बुधबार ११:३१