कोरोना अपडेट : १ सय २६ जनामा संक्रमण पुष्टि

काठमाडौं । नेपालमा पछिल्लो २४ घण्टामा थप १ सय २६ जनामा कोरोना संक्रमण पुष्टि भएको छ । ३ हजार ७ सय ९० जनामा गरिएको कुल परीक्षणमध्ये आरटी पिसिआर विधिबाट ७५ र एन्टीजेन विधिबाट ५१ जना गरि १ सय २६ जनामा संक्रमण पुष्टि भएको हो ।

स्वास्थ्य तथा जनसंख्या मन्त्रालयका अनुसार सो अवधिमा नेपालमा कोरोनाबाट कसैको पनि ज्यान गएको छैन् । त्यस्तै, तथ्यांकमा पछिल्लो २४ घण्टामा कोभिड विरुद्धको खोप लगाउनेको संख्या प्राप्त नभएको उल्लेख गरिएको छ ।

सो समयमा १ सय ३७ जना कोरोना संक्रमण मुक्त भएका छन् भने यो सँगै देशभरमा कोरोनाका सक्रिय संक्रमितको संख्या २ हजार १ सय २९ पुगेको छ ।