काठमाडौं । नेशनल लाईफ इन्स्योरेन्स कम्पनीले सामाजिक उत्तरदायित्व कार्यक्रम सम्पन्न गरेको छ । कम्पनीका अनुसार सुनकोशी गाउँपालिका र एक एक पाईला फाउण्डेसनबीचको सहकार्यमा सञ्चालित एक एक पाईला ठोकर्पा आधारभूत अस्पतालमा दाता सम्मान तथा अभिनन्दन कार्यक्रम गरिएको हो ।
सुनकोशी गाउँपालिका वडा नम्बर १ का वडाध्यक्ष कुमार शाहीको मुख्य आतिथ्यता तथा एक एक पाइला फाउण्डेसनका अध्यक्ष डाक्टर सुमन शम्सेर थापाको सभापतित्वमा सम्पन्न कार्यक्रममा करिब एक सय ५० जनाको सहभागिता रहेको थियो ।
सो अवसरमा नेशनल लाईफ इन्स्योरेन्स कम्पनीले सामाजिक उत्तरदायित्व वहन गर्ने क्रममा उक्त भेगमा बसोवास गर्ने जनताले सर्वसुलभ स्वास्थ्य सेवा प्राप्त गर्न सकुन भन्ने उद्देश्यले सो परियोजना कार्यान्वयनका लागि २० लाख आर्थिक सहयोग उपलब्ध गराएको थियो ।
उक्त परियोजनाबाट ठूलो संख्यामा सो क्षेत्र र आसपासका सर्वसाधारणहरु लाभान्वित हुने अपेक्षा गरिएको छ । समारोहमा अस्पताल व्यवस्थापनका तर्फबाट आर्थिक सहयोग प्रदान गरे वापत कम्पनीका उप–कार्यकारी प्रमुख प्रताप मान श्रेष्ठलाई विशेष सम्मान गरिएको थियो ।
यो खबर पढेर तपाईलाई कस्तो महसुस भयो ?
प्रतिक्रिया