१ आश्विन २०७८, शुक्रवार

किर्कुक सहर कुर्दहरुको कब्जाबाट फिर्ता, संयमित रहन अमेरिकाको आग्रह

२०७४,आश्विन,३१,मंगलवार ०७:५३


किर्कुक, ३१ असोज ।इराकको किर्कुक सहर कुर्दहरुको कब्जाबाट फिर्ता भएको छ । इराकी सेनाले विगतका केही हप्तादेखिको निरन्तर प्रयासपछि सोमबार सो सहर फिर्ता लिएको हो ।यसरी फिर्ता लिइएको सहरमा यहाँका गभर्नरको कार्यालय, यसअघि त्यहाँ राखिएका सैनिकका क्याम्पहरु र केही तेलक्षेत्र पनि रहेको छ ।इराकी सेनाले सो सहर फिर्ता लिएको घटनालाई आफ्नो उपलब्धिका रुपमा लिएको छ । सोमबार इराकी सेनाले सो सहर फिर्ता लिनु एक उपलब्धि भएको जनाएको थियो ।इराकी सेनाको नेतृत्वमा रहेको सरकारी फौजले विवादास्पद उत्तरी सहर किर्कुक र नजिकैको तेल क्षेत्रलाई कुर्दहरुको नियन्त्रणबाट फिर्ता लिएको यस घटनालाई इराकी सरकारले पनि उपलब्धि भनेको छ ।इराकको सरकारी फौजले सैन्य कारबाही शुरु गरेको २४ घण्टामा नै किर्कुकको विवादास्पद उक्त सहरलाई कुर्दिस लडाकूहरुको नियन्त्रणबाट फिर्ता लिएको हो । तर सेनाले बिगतमा पनि पटक पटक सो सहर फिर्ता लिन निकै प्रयास गरेको थियो ।यो सहर नियन्त्रणमा आएपछि सेनाका लडाकू तथा अन्य अत्याधुनिक गाडीहरु सहरको केन्द्रमा प्रवेश गरेका छन् । सोमबार फिर्ता भए लगत्तै यहाँको स्थानीय सरकारको मुख्यालयमा इराकको झण्डा फहराइएको बताइएको छ ।सेनाले कारबाही थाल्नुअघि नै सर्वसाधारणहरुलाई बाहिर ननिस्कन वा कतै अन्यत्र जान सूचना जारी गरेको थियो । हजारौँ सर्वसाधारण त्यहाँबाट अन्यत्रै गइसकेका पनि सेनाले जनाएको थियो ।यसैबीच प्राप्त अर्काे एक समाचारअनुसार अमेरिकी विदेश मन्त्रालयले किर्कुक सहरमा शान्तिपूर्ण अवस्थाको सिर्जना गर्न आग्रह गरेको छ । यहाँका सबै नागरिकलाई र इराकी सेनालाई पनि विशेष रुपमा शान्त रहन आह्वान गरेको छ ।अमेरिकी विदेश मन्त्रालयले सोमबारै एक विज्ञप्ति प्रकाशन गरी थप झडपहरु नगर्न र सबै पक्षलाई संयमित र शान्त रुपमा रहन आह्वान गरेको थियो ।उक्त सहरमा विगतका केही समयदेखि इस्लामिक स्टेट समूहको प्रभाव बढ्दै जान थालेको भन्दै उक्त समूहलाई त्यहाँबाट निस्तेज पार्न अझै धेरै गर्नुपर्ने भन्दै इराकी र कुर्द फौजको तनाबले त्यो कार्यलाई कम महत्वमा पार्नसक्नेतर्फ ध्यानाकर्षण गराएको हो । 

प्रकाशित मिति: २०७४,आश्विन,३१,मंगलवार ०७:५३

प्रतिक्रिया दिनुहोस !
सम्बन्धित खबरहरु

काठमाडौं । चीनको अहिलेसम्मको सबैभन्दा लामो मानवसहितको अन्तरिक्ष अभियान सम्पन्न गरेर तीन अन्तरिक्षयात्री पृथ्वी फर्किएका छन्। उनीहरू पृथ्वीभन्दा ३८० किलोमिटरमाथि

यमन । यमनको आदेन क्षेत्रमा गएको २४ घन्टा यता भएका भिडन्तहरुमा परी कम्तीमा पनि २५ जना हुथी विद्रोही र २०

काठमाडौं । चीन र रुसका विदेशमन्त्रीबीच आगामी दिनमा एक-आपसमा मिलेर अघि बढ्ने र आपसी सहयोगका कार्यक्रमहरुलाई साथ साथमा अघि बढाउने

काठमाडौं । संयुक्त राष्ट्रसंघीय विशिष्ठ एजेन्सी युनिसेफले विश्वव्यापी रुपमा महामारीका रुपमा फैलिएको कोरोना भाइरसका कारण विश्वका बालबिालकाहरुको पठन पाठनमा समस्या

ताजा समाचार

२५ लाख जरिवाना फैसला भएका श्रेष्ठ पक्राउ
 २०७८,आश्विन,१,शुक्रवार १९:५४