प्रा.डा. सबिना भट्टराई
पछिल्लो समय विभिन्न कारणले गर्दा मानिसहरुमा कपाल झर्ने समस्या सामान्य हुँदै गइरहेको छ । आनुवांशिक, कपालको हेलचेक्राइँ, विभिन्न औषधिको प्रयोग, तनाव जस्ता कारणले कपाल झर्न सक्छन् । यो समस्या रोक्नका लागि पीआरपी उपचार विधि सबैभन्दा बढी प्रभावकारी देखिएको छ ।जसमा शल्यक्रिया बिना नै उपचार गरिन्छ । यसका कुनै साइड इफेक्टहरु पनि हुँदैनन् ।
के हो पीआरपी थेरापी ?
पीआरपी भनेको प्लेटलेट्स रिच प्लाज्मा हो । यो जसलाई समस्या परेको हो त्यही व्यक्तीको रगतबाट तयार गरिन्छ । आवश्यकता अनुसार ५ देखि १० एमएल रगतबाट प्लेटलेटहरु निकालिन्छ । जसलाई ल्याबको सेन्ट्रिफ्युजमा राखेर प्लाज्मा छुट्याइन्छ । उक्त प्लाज्मालाई कपाल झरेको ठाउँमा मसिनो सुईबाट इन्जेक्सन गरिन्छ । साथै, ड्रामारोलर अथवा विभिन्न माइक्रोडबमा भिजन प्यानमार्फत प्लाज्मालाई विभिन्न सतहमा पठाइन्छ । जसले कपाल लामो हुनुका साथै कपालको जरा पनि बलियो बनाउँछ ।
पीआरपीका सबल पक्ष
यो कपाल झर्ने समस्या भएकाहरुका लागि बिना शल्यक्रिया गरिने उपचार हो । यसको उपचारका लागि करिव दुई घण्टाको समय लाग्छ । यसको नतिजा सुरक्षित र भरपर्दो हुनुले पनि पछिलले समय यसप्रति धेरै मानिसहरुले चासो देखाउन थालेका छन् । पीआरपी थेरापी गर्दा कुनै औषधिहरु लिनुपर्दैन र उपचारपछि पनि छालामा कुनै पनि दाग देखिँदैन ।
खर्च के कति लाग्छ ?
यसको खर्चका बारेमा विभिन्न क्लिनिक अनुसार फरक फरक छ । सामान्यतया ५ हजारदेखि २० हजारसम्म पर्न सक्छ । प्रविधिको माध्यमबाट प्लाज्मा निकालेर शरीरको कुन कुन सतहमा पुर्याइन्छ त्यसमा निर्भर रहन्छ । साधारणतया इनजेक्सन अथवा ड्रामारोलर गर्दा १० हजारभन्दा कमै पर्छ ।
पीआरपीका फाइदा
पीआरपीले झरी सकेको लाई कपाल पलाउन मद्दत गर्छ ।
कपाललाई बाक्लो बनाउँछ ।
कपालको घनत्व बढाउँछ
कपालको जरालाई बलियो बनाउँछ
अनुहारमा पनि यो थेरापी गर्न सकिन्छ जसले डण्डिफोरका दाग, चायाँ पातो, स्किन टोन हटाउन पनि यसको प्रयोग गर्न सकिन्छ ।
(डा. भट्टराई छाला रोग विशेषज्ञ तथा कस्मेटिक सर्जन हुन्)
यो खबर पढेर तपाईलाई कस्तो महसुस भयो ?
प्रतिक्रिया