काठमाडौं । राष्ट्रिय प्रजातन्त्र पार्टी नेपालले आगामी मंसिर ४ गते हुने चुनावलाई लक्षित गर्दै विभिन्न निर्णय गरेको छ । बिहीवार अध्यक्ष कमल थापाको अध्यक्षतामा बसेको पार्टी सचिवालय बैठकले निर्वाचन पूर्वतयारीका सन्दर्भमा आवश्यक निर्णय गरेको प्रवक्ता सुरेश आचार्यले जानकारी दिए ।
जसअनुसार काँकडभिट्टाबाट भदौ ३० गते मेची–महाकाली राष्ट्रिय स्वाभिमान यात्रा सुरु भएर महाकालीको वनवासामा पुगी काठमाडौं आएर यात्राको समापन गर्ने निर्णय भएको छ ।
यस्तै, बैठकले विभिन्न समान विचारधारा भएका राजनीतिक दल, समूह तथा व्यक्तिहरुसँग वार्ता गर्ने जिम्मेवारी पार्टीका उपाध्यक्ष दिलनाथ गिरीलाई दिने निर्णय गरेको छ ।
आजको बैठकमा महामन्त्री सुशिलकुमार श्रेष्ठद्वारा राष्ट्रिय स्वाभिमान यात्रा तयारी, महामन्त्री भास्कर भद्राद्वारा प्रत्यक्ष र समानुपातिक उम्मेद्वारी, महामन्त्री केशवराज श्रेष्ठद्वारा सञ्चार, प्रवक्ता सुरेश आचार्यद्वारा प्रचारप्रसार र सहमहामन्त्री दमन वस्नेतद्वारा स्रोत परिचालन सम्बन्धी कार्यप्रगति विवरण प्रस्तुत भएको थियो ।
यो खबर पढेर तपाईलाई कस्तो महसुस भयो ?
प्रतिक्रिया