काठमाडौं, ३१ असोज— गैरआवासिय नेपाली संघ (एनआरएन) को अध्यक्षमा भवन भट्ट विजयी भएका छन् ।अध्यक्षकी प्रत्यासी जमुना घलेलाई पराजित गर्दै भट्ट विजयी भएका हुन् ।गएराती सम्पन्न मतगणनामा भट्टले ११ सय ९७ मत प्राप्त गरेका छन् भने घलेले ५ सय ८४ मत प्राप्त गरेकी छन्। सम्मेलनमा एक हजार ७८८ एनआरएन मतदानमा सहभागि भएका थिए ।यस्तै उपाध्यक्षमा कुमार पन्त र कुल आचार्य तथा महिला उपाध्यक्षमा सपिला राजभण्डारी निर्वाचित भएका छन् ।महासचिवमा डा बर्दी केसी, सचिवमा डिबी क्षेत्री र कोषाध्यक्षमा हिक्मत थापा निर्वाचित भएका छन् ।गोरखाका जन्मिएका नवनिर्वाचित भट्ट जापानमा व्यवसायमा संलग्न छन् । उनको जापानमा दुई सय ९० रेस्टुरेन्ट रहेका छन् ।जापानका धनाड्य उनको नेपालमा पनि मिडिया, एयरलाइन्स र हस्पिटालिटीलगायत क्षेत्रमा लगानी रहेको छ ।जापान अध्ययनका लागि पुगेका सामान्य परिवारका उनी पछि रेस्टुरेन्ट व्यवसायबाटै सफल बनेका हुन् ।
