कुमारी बैंकबाट सेयर भर्दा अब कुनै शुल्क नलाग्ने

लोकपथ
130
Shares

काठमाडौं । कुमारी बैंक लिमिटेडले भदौ १ गतेबाट लागुहुनेगरि आफ्नो सम्पूर्ण खाताहरुमा सी–एएसबीए आवेदन शुल्क नलाग्ने व्यवस्था गरेको छ । भादौ १ गते पश्चात बैंकको कुनै पनि खाताबाट प्राथमिक सेयर, हकप्रदलगायतका पुँजीबजारका अन्य उपकरणहरुमा आवदेन दिँदा कुनै शुल्क लाग्ने छैन ।

ग्राहकहरुको हित तथा पुँजीबजारमा जनमानसको बढ्दो सक्रियतालाई मध्यनजर गर्दै कुमारी बैंक लिमिटेडले सो छुट ल्याएको हो । यसबाट नयाँ लगानीकर्ता, युवा, विद्यार्थीलगायत कुमारी बैंक लिमिटेडका सम्पूर्ण खाता धारकहरुलाई विशेष लाभ प्राप्त हुने विश्वास गरिएको छ ।

बैंकले आफ्ना देशव्यापी रहेका १ सय ९७ शाखा सञ्जाल, १ सय ९१ एटिएम, ४९ शाखारहित बैंकिंग इकाई तथा २४ एक्टेन्सन काउन्टरमार्फत अत्याधुनिक वित्तिय सेवा सुविधा दिँदै आएको छ । साथै, बैंकले आगामी दिनमा पनि अझ प्रभावकारी तथा ग्राहकमुखी सेवा विस्तार गर्दै जाने प्रतिवद्धतासमेत व्यक्त गरेको छ ।

यो खबर पढेर तपाईलाई कस्तो महसुस भयो ?