१. नेकपा माओवादी केन्द्रको स्थायी कमिटी बैठक निष्कर्ष बिहिन, पदाधिकारी चयन भन्दा निर्वाचन केन्द्रीत छलफल बढी, महासचिवमा आकांक्षी बढेपछि पदाधिकारी चयन जटिल बन्दै ।
२. आज देशैभर धार्मिक विधिपूर्वक श्रीकृष्ण जन्माष्टमी पर्व मनाइयो, श्रीकृष्ण जन्माष्टमीका अवसरमा, राष्ट्रपति, उपराष्ट्रपति तथा प्रधानमन्त्रीद्वारा शुभकामना व्यक्त ।
३. सत्तारुढ पाँचदलीय गठबन्धनप्रति प्रमुख प्रतिपक्षी दल नेकपा एमालेका अध्यक्ष केपी शर्मा ओलीको टिप्पणी, गठबन्धन भ्रष्ट नेताहरुको आपराधिक समूह भएको भन्दै जनताले निर्वाचनबाट सबैलाई हराउने जिकिर ।
४. नागरिकता विधेयक बारे राष्ट्रपति विद्यादेवी भण्डारीले थालिन् कानून विद्हरुसँग परामर्श, सुझबुझपूर्ण निर्णय नगरिए देशले ठूलो जोखिम मोल्नुपर्ने संविधानविद्को चेतावनी ।
५. घाँटीको क्यान्सरबाट पीडित कांग्रेस नेता प्रदीप गिरीको स्वास्थ्यमा अझै आएन सुधार, स्वस्थ्य अवस्था थपजटिल बन्दै गएपछि भेन्टीलेटरमा राखेर उपचार हुँदै ।
६. देशभर कोरोना संक्रमणको जोखिम बढ्दै, पछिल्लो २४ घण्टामा थप ६ सय २३ जनामा संक्रमण पुष्टि, ४ सय ८७जनाले जिते कोरोना ।
७. निर्वाचन प्रयोजनको लागि दर्ता भएका दलहरुको निवेदनका आधारमा कागज पत्रमाथि छानविन गर्दै निर्वाचन आयोग, आगामी भदौ ८ गतेसम्म दलहरुको अन्तिम विवरण प्रकाशन गर्ने तयारी ।
८. आगामी निर्वाचनको घोषणा पत्र तयारीका लागि एमालेले थाल्यो विज्ञहरुसँग छलफल, निर्वाचनमा बहुमत ल्याउने गरी पार्टी अघि बढेको योगेश भट्टराईको दाबी ।
९. आगामी निर्वाचनका विषयमा जसपाले थाल्यो विभिन्न कमिटीहरुसँग छलफल, स्थानीय निर्वाचनमा गठबन्धनबाट कांग्रेसले मात्र बढी फाइदा लिएको आरोप, लोसपा–जसपाको गठबन्धन केन्द्रदेखि प्रदेशसम्म शक्तिशाली बन्न सक्ने नेताहरुको ‘रिपोर्टिङ’ ।
१०. जनकपुरस्थित जानकी चोकको फुटपाथमा पूजासामग्री बेचेको भन्दै नगर प्रहरीको धरपकड, जबरजस्ती ठेला हटाउन लागेपछि प्रहरी र व्यापारीबीच झडप, झण्डै एक दर्जन व्यापारी प्रहरीको नियन्त्रणमा ।
११. अन्तर्राष्ट्रिय बजारमा पेट्रोलियम पदार्थको मूल्य घटे पनि मूल्य समायोजनमाआयल निगमको अटेरी, निगमले बेइमानीर कपटपूर्ण व्यवहार गरी उपभोक्ता ठगेको आरोप, राष्ट्रिय उपभोक्ता मञ्चले दियो संसदीय समितिमा उजुरी ।
१२. प्रधानमन्त्रीले रक्सी पिएर नाचेको भिडियो भाइरल भएपछि फिनल्याण्डको राजनीतिमा हलचल, लागूऔषधको समेत प्रयोग गरेको विपक्षी नेताको आरोप, घटनाबारे प्रधानमन्त्री मरिनद्वारा अस्वीकार ।
१३. सुडानमा मुसलधारे वर्षाका कारण आएको बाढीमा परि दजनौँ मानिसको मृत्यु, १४ हजारबढी घर ध्वस्त, झण्डै डेढ लाख मानिस प्रभावित भएको संयुक्त राष्ट्र संघको अनुमान ।
१४. नवौं राष्ट्रिय खेलकुद प्रतियोगिता गण्डकी प्रदेशको राजधानी पोखरामाआयोजना हुँदै, असोज २८ देखि कार्तिक ३ गतेसम्म हुने प्रतियोगिताको तयारी तीव्र पार्दै प्रदेश र विभागीय टोली ।
१५. महिला च्याम्पियन्स लिगको पहिलो क्वालिफायर राउण्डमा म्यानचेस्टर सिटी र रियल मड्रिड भिड्दै, आइतबार हुने खेलमा विजेता हुने टिम छनोटको दोस्रो चरणमा पुग्ने ।
यो खबर पढेर तपाईलाई कस्तो महसुस भयो ?
प्रतिक्रिया