२० माघ २०७९, शुक्रवार

माओवादीमा पेचिलो बन्दै पदाधिकारी चयन, महासचिवमा ७ जनाको दाबी

२०७९,भाद्र,३,शुक्रवार १२:४३

108
Shares

काठमाडौं । नेकपा माओवादी केन्द्रको स्थायी कमिटी बैठकमा पदाधिकारी चयनको विषय पेचिलो बन्दै गएको छ । बैठक पटकपटक सर्दै जाँदा निर्णयप्रक्रिया थप जटिल बन्दै गएको हो । माओवादी पार्टी कार्यालय पेरिसडाँडामा शुक्रबार बिहान पदाधिकारी टुंग्याउन भन्दै बसेको स्थायी कमिटी बैठक पनि बिना निष्कर्ष सकिएको छ ।

स्थायी कमिटी बैठकमा देव गुरुङ, वर्षमान पुन, जनार्दन शर्मा, गिरिराजमणि पोखरेल, हरिबोल गजुरेल, शक्ति बस्नेत र पम्फा भुसालले महासचिवमा आफ्नो पनि दाबी रहेको बताएका छन् । उनीहरूले महासचिवमा आकांक्षा राखेपछि यो विषय थप पेचिलो बन्दै गएको हाे । माओवादीले गत पुसमा महाधिवेशन गरे यता अहिलेसम्म पदाधिकारी चयन हुन सकेको छैन । माओवादी केन्द्रमा यसअघि महासचिवका लागि वर्षमान पुन र जनार्दन शर्माले दाबी गरेपछि दुईजनामध्ये कसलाई रोज्ने भन्नेमा प्रचण्डले बुधबारको बैठकमा विकल्पको रूपमा देव गुरुङको प्रसंग निकालेका थिए ।

शुक्रबारको बैठक आसन्न प्रदेश र केन्द्रीय कमिटी बैठकमा केन्द्रित भएको प्रवक्ता कृष्णबहादुर महराले जानकारी दिए । ‘पदाधिकारीको विषय, कार्यक्रमको विषयमा विस्तृत र गम्भीर छलफल भयो । तर, पदाधिकारीको विषय अहिलेसम्म मूर्तरूपले टुंगिएन,’ महराले भने, ‘ शनिबार दिउँसो १ बजे पुनः बैठक बसेर यस विषयलाई टुंग्याइने गरी आजको बेठक टुंगिएको छ । छलफल लगभग टुंगिएको छ । खाली अन्तिम निष्कर्ष मात्रै बाँकी हो ।’

अध्यक्ष पुष्पकमल दाहाल ‘प्रचण्ड’ को कार्यव्यस्तताले आज टुंग्याउन नसकिएको उनको भनाइ थियो । पटकपटक पदाधिकारी टुंग्याउने भनिएपनि अहिलेसम्मका बैठकले ठोस निर्णय गर्न सकेको छैन । बुधबार नै प्रवक्ता कृष्णबहादुर महराले धेरै नाम फाइनल भइसकेको भन्दै बिहीबार नै सकिने बताए थिए तर, बैठक विभिन्न कारण देखाएर पटकपटक सर्दै गएको छ ।

प्रकाशित मिति: २०७९,भाद्र,३,शुक्रवार १२:४३

प्रतिक्रिया दिनुहोस !
सम्बन्धित खबरहरु

काठमाडौं । सर्वोच्च अदालतमा यातायात सुरक्षासम्बन्धी आवश्यक सुरक्षा मापदण्ड संशोधन गर्न आदेशको माग गर्दै रिट निवेदन दायर गरिएको छ ।

रुपन्देही । उपप्रधानमन्त्री एवं अर्थमन्त्री विष्णुप्रसाद पौडेलले बजेट रकमान्तर गर्ने परिपाटी आगामी आर्थिक वर्षदेखि पूर्णरूपमा रोक्ने गरी बजेट नीति तथा

काठमाडौं । नेकपा (एमाले) को केन्द्रीय प्रचार तथा प्रकाशन विभागले पार्टीको दशौँ महाधिवेशनका दस्तावेज र सङ्ग्रहणीय गतिविधि समेटेर स्मारिका प्रकाशन

काठमाडौं । नेपाली कांग्रेसका महामन्त्री गगन थापाले नेपाल क्रिकेट संघ (क्यान) ले बलात्कार जस्तो गम्भीर अभियोगमा अदालतमा मुद्दा विचाराधीन भएको

ताजा समाचार

विदेशीन लागेका १२ महिलाको उद्धार
 २०७९,माघ,२०,शुक्रवार २०:३२