काठमाडौं । चलचित्र ‘माइकल अधिकारी’को नयाँ गीत ‘छुकछुक रेलगाडी’ सार्वजनिक भएको छ ।
प्रताप दास र अस्मिता अधिकारीको स्वर रहेको गीतमा रेवन सिंहको संगीत रहेको छ भने गितलाई शैलेश कँडेलले लेखेका हुन् । भदौ ३ गते प्रदर्शनको तयारीमा रहेको चलचित्रको यो गीतमा चलचित्रका मुख्य कलाकार सौगात मल्ल र सृष्टि श्रेष्ठ गीतमा फिचर्ड छन् ।
चलचित्रमा सौगात र सृष्टिसँगै आशान्त शर्मा, लुनिभा तुलाधर, एनी कुँवर, हेमन्त बुढाथोकी लगायतको अभिनय छ ।
गोपीकृष्ण मुभिजको ब्यानरमा बनेको चलचित्रलाई रञ्जित रौनियारले निर्देशन गरेका हुन् भने नीरक पौडेलको निर्माण रहेको छ ।
