काठमाडौं, ३० असोज– संसद विघटन हुने साँझ पद तथा गोपनियताको सपथ खाएका राप्रपाका मन्त्रीहरु अहिलेसम्म मन्त्रीको हैसियतामा सिंहदरबार पस्न पाएका छैनन् । प्रधानमन्त्री शेरबहादुर देउवाले जिम्मेवारी नदिँदा उनीहरु सिंहदरबार प्रवेश नगरेका हुन् ।प्रधानमन्त्री शेरबहादुर देउवाले राप्रपा अध्यक्ष कमल थापालाई उपप्रधानमन्त्रीसहित दिलनाथ गिरी, विक्रम पाण्डे र जयन्त चन्दलाई शनिबार मन्त्री गरेका थिए । भने थप ४ जनालाई राज्यमन्त्रीको पनि बनाएका थिए । तर, देउवाले जिम्मेवारी नदिएपछि अहिलेसम्म उनीहरु मन्त्रालय जान नपाएका हुन् । उनीहरु अहिले बधाई थाप्नमा मात्र सीमित भएका छन् । यस्तै मन्त्रालयमा बसेर महत्वपूर्ण कार्यसम्पादन गर्नुपर्ने उनीहरु अहिले घरमै आरामका साथ बसिरहेका छन् ।राप्रपाका महामन्त्री तथा विनाविभागिय मन्त्री जयन्त चन्दले जिम्मवेवारी नपाएकाले अहिले आफू घरमै रहेको बताए । चन्द जस्तै सबै मन्त्रीको अवस्था यसभन्दा फरक रहेको छैन ।मन्त्रीहरुले केहि दिनमै जिम्मेवारी पाउने विस्वास समेत व्यक्त गरे ।सत्तारुढ दल नेकपा माओवादी केन्द्रले नेकपा एमालेसँग मिलेर गठबन्धन बनाएपछि प्रधानमन्त्री देउवाले माओवादीका मन्त्रीको बर्हिगमन चाहेका छन् ।तर, माओवादी केन्द्रले सरकारबाट नबाहिरिने बताएको छ ।
यो खबर पढेर तपाईलाई कस्तो महसुस भयो ?
प्रतिक्रिया