१ भाद्र २०७९, बुधबार

अब ई–सेवाबाट होटल बुक गर्न सकिने

२०७९,श्रावण,२०,शुक्रवार १७:५४

54
Shares

काठमाडौं । ई–सेवाले अनलाइनबाटै होटल बुक गर्न सकिने सेवाको सुरूवात गरेको छ । योसँगै अबदेखि ग्राहकले सहजै इसेवा मार्फत होटल बुक गर्न सक्ने कम्पनीले जारी गरेको विज्ञप्तिमा उल्लेख छ ।

विज्ञप्तिअनुसार ग्राहकहरुले ई–सेवा एप् मार्फत् नेपालका कुनैपनि क्षेत्रका होटल बुक गर्न सक्नेछन् । ई–सेवामा हाल होटलहरु सूचीकरण गर्ने कार्य जारी छ । यदि अनलाइन मार्फत होटल बुक गर्ने भएमा सम्पर्क गर्न पनि ई–सेवाले आग्रह गरेको छ । ई–सेवामा भएका होटलहरुको सूची ई–सेवा होटल डटकममा गएर हेर्न सकिनेछ ।

ई–सेवा मार्फत शुक्रबार साँझ ६ बजेसम्म होटल बुक गरेमा ५० प्रतिशत छुटको व्यवस्था समेत गरिएको छ । हाल यो सेवा एण्ड्रोइड मोबाइलमा मात्र उपलब्ध भएपनि केहीदिनमा आइओएसमा समेत उपलब्ध हुनेछ ।

ई–सेवामा होटल सेवा सुरु भएसँगै ई–सेवाका होटल विभाग प्रमुख अनुज विष्टले भने, ‘विविध सेवाहरुलाई एकै ठाउँमा ल्याएर डिजिटल नेपाल र कारोबारलाई बढवा दिने परिकल्पना अनुसार हामीले अब होटलको सेवा सुरुवात गरेका छौँ । यसबाट ग्राहक र होटललाई सेवा मिल्नेछ भन्ने विश्वास लिएका छौँ । साथै कोभिड पछिको पर्यटन क्षेत्रको मन्दीलाई पनि यसले केहीहदसम्म टेवा पुर्याउँछ भन्ने विश्वास लिएका छौँ ।

साथै भविष्यमा अन्तराष्ट्रिय होटलसँग पनि सहकार्य गरि अन्तराष्ट्रिय प्रयोगकर्ता र यहाँबाट बाहिर जाने व्यक्तिहरुलाई अनलाइनबाटै होटल बुक गर्ने व्यवस्था मिलाउने छौँ ।’

ई–सेवाले हाल एण्ड्रोइड मोबाइलमा ५२ लाख र आईओस् मोबाइलमा करिब १० लाख गरि ६० लाख बढी ग्राहकलाई एप्स् मार्फत सेवा प्रदान गरिरहेको छ ।

प्रकाशित मिति: २०७९,श्रावण,२०,शुक्रवार १७:५४

प्रतिक्रिया दिनुहोस !
सम्बन्धित खबरहरु

काठमाडौं । नेपालमा पछिल्लो तीन वर्षमा करिब ९ अर्ब रुपैयाँको विभिन्न हातहतियार भित्रिएको छ । आर्थिक वर्ष २०७६/७७ देखि २०७८.७९

जुम्ला । जुम्लामा उत्पादन हुने अगार्निक तरकारी निर्यातको लागि संकलन गर्न थालिएको छ । स्याउ, ओखर, सिमी, मार्सी धानलगायत कृषिजन्य

काठमाडौं । नेपाल राष्ट्र बैंकले आज बुधबारका लागि विदेशी मुद्राको विनिमयदर सार्वजनिक गरेको छ । विवरण अनुसार अमेरिकी १ डलरको

काठमाडौं । कालीमाटी फलफूल तथा तरकारी बजार विकास समितिले मंगलबारका लागि अदुवाको औसत मूल्य प्रतिकेजी ७५ रुपैयाँ तोकेको छ ।

ताजा समाचार