नेपाली काँग्रेसका नेता रमेश लेखकले माओवादी केन्द्रका मन्त्रीहरुले नैतिकताको आधारमा सरकार छोड्नु पर्ने बताएका छन् ।रिपोर्टर्स क्लब नेपालको साक्षात्कारमा बोल्दै नेता लेखकले माओवादी केन्द्रका मन्त्रीहरुले सत्ता नछोड्नेको कारण सत्ता कब्जाको उदाहरण भएको टिप्पणी गरेका हुन् ।नेता लेखकले वाम एकता र चुनावी तालमेलले काँग्रेसलाई कुनै असर नपार्ने बताउदै भने,‘काँग्रेस राणाका बिरुद्धमा एक्लै लड्यो, पञ्चाएतसँग एक्लै लड्यो, राजतन्त्रसँग लड्यो, आफ्नै अस्तित्व र शक्ति भएको पार्टी हो, हामी कसैसँग डराउँदैनौँ।’आगामी केन्द्र र प्रदेश सभामाको निर्वाचनमा काँग्रेस एक्लै बहुमत ल्याउने भन्दै नेता लेखकले वाम एकताको आयु लामो नहुने दाबि गरे ।वाम एकता सत्ता र सरकारको लागि रचिएको नाराको संज्ञा दिदै नेता लेखकले राष्ट्रहित विपरित वामपन्थिहरु उभिएको बताए ।उनले भने,‘संसारमा लोकतान्त्रिक शासन प्राणाली स्थापित भैसकेको स्थितिमा नोपलमा निर्वाचनमा बहुमत ल्याएर नेपालमा फेरी क्यूनिष्ट शासनको अभ्यास गर्न खोज्नु लोकतन्त्रको मुल्य भन्दा बाहिर जानु हो।’त्यस्तै कार्यक्रममा एमाले सचिव भिर्माजुन आचार्यले वाम एकताबाट काँग्रेसलाई नडराउन आग्रह गरेका छन् ।वाम एकताले राजनीतिक स्थायित्व गर्ने दावि गर्दै सचिव आचार्यले लोकतान्त्रीक मुल्य र मान्यताका आधारमा मुलुकको विकास गर्नेमा एमाले अघि बढेको बताए ।वहुदलिय जनवादमा पुग्ने नेपालका कम्युनिष्टहरुको एउटै बाटो भएको भन्दै एमाले र माओवादीबीच एकताको वहस सुरु भएको जानकारी दिए।उनले भने,‘नेपालका सबै कम्युनिष्टहरुको बाटो, लक्ष्य एउटै हो, बहुदलिय जनवादको लक्ष्यमा पुग्नको लागि नेपालका सबै कम्यूनिष्टहरु एक जुट हुनुपर्छ, ५ वर्षभित्र एमालेको नेतृत्वमा मुलुक विकासको पथमा हिड्छ, त्यो समयमा एमाले पार्टी जनताको पक्षमा काम गर्यो भने, फेरी जनताले पत्याउछन्, नत्र भने जनताले बहिष्कार गर्छन।’नेपालमा कम्युष्टि शासन सम्भव नभएको भन्दै लोकतान्त्रिक प्राणालीबाट मुलुकलाई समृद्धि बनाउनेमा एमाले प्रतिबद्ध रहेको बताए।
यो खबर पढेर तपाईलाई कस्तो महसुस भयो ?
प्रतिक्रिया