रवीन्द्र मिश्र भन्छन्- ‘मलाई देश हार्ने राजनीति गर्नु छैन’

काठमाडौं । विवेकशील साझा पार्टीका पूर्वअध्यक्ष रवीन्द्र मिश्रले आफूले जित्ने तर देश हार्ने राजनीति नगर्ने टिप्पणी गरेका छन् ।

सामाजिक सञ्जालमा लेख्दै मिश्रले लामो समयदेखि धेरै निर्वाचन हेरेको बताउँदै आफूलाई देश हार्ने राजनीति गर्नु नभएको बताए ।

उनले भनेका छन्, ‘मलाई चुनाव जित्ने, देश हार्ने राजनीति गर्नु छैन ।’

आफूलाई आफ्ना शुभेच्छुकहरुले विभिन्न एजेण्डा बोकेको भए निर्वाचन जित्न सक्ने सुझाव दिए पनि आफूले लामो समयदेखि निर्वाचन हेरेको बताउँदै आफूले सो निष्कर्ष निकालेको बताए ।

‘शुभेच्छुकहरू भन्छन्, तपाईंले यी एजेण्डा नल्याएको भए यो पटक चुनाव जित्नुहुन्थ्यो । उनीहरूलाई म भन्ने गर्छु, मैले गत २०÷२५ वर्षमा जे देखेँ, भोगेँ, पढेँ, बुझेँ, त्यसबाट म पुगेको निष्कर्ष के हो भने, मलाई चुनाव जित्ने, देश हार्ने राजनीति गर्नु छैन।’ उनले भनेका छन् ।

आफूले निर्वाचनसँगै देश जित्ने प्रयासमा रहँदै आएको बताउँदै आफ्ना धारणाको बारेमा सुझाव दिनका लागि समेत आग्रह गरेका छन् ।

‘मेरा दृष्टिकोणसँग तपाईं सहमत नहुन सक्नुहुन्छ, त्यसमा मेरो कुनै गुनासो छैन। देश पनि जित्ने, चुनाव पनि जित्ने राजनीतिको मेरो प्रयास भने जारी रहनेछ। यसो भन्दै गर्दा चुनाव हारेँ भने पनि ठिकै छ ।’ उनले भनेका छन् ।