काठमाडौं । नेपाली कांग्रेसका केन्द्रीय सदस्य अर्जुननरसिंह केसीले पछिल्लो समय नेपालमा नीतिगत भ्रष्ट्राचार राष्ट्रिय सहमतिकै अंग बनेको भन्दै कटाक्ष गरेका छन् ।
सामाजिक सञ्जालमा पछिल्ला विभिन्न राजनीतिक घटनाक्रमका बारेमा सचेत गराउँदै पूर्वमन्त्री समेत रहेका नेता केसीले नीतिगत भ्रष्ट्राचारले लोकलज्जा र जनमतको उपहास भएको आरोप लगाए ।
उनले भने, ‘नीतिगत भ्रष्टाचार ञ्राष्ट्रिय सहमतीकै अङ्ग बन्यो,लोक लज्जा र जनमतको उपहास भयो। ’
त्यसैगरी बजेट निर्माणका बेला बाह्य व्यक्तिको हस्तक्षेपबारे छानबिनका लागि गठित समितिमा सत्तापक्ष र प्रतिपक्ष अल्पमत र बहुमतका कारण छानबिनमा त्रुटि देखिए पनि त्यसको विरुद्धमा संसदमा विरोध किन हुन सकेन भन्दै प्रश्न गरेका छन् ।
त्यसैगरी सबै पक्षमा सहमति पूर्ण सौदाबाजी देखिएको आरोप लगाउँदै सत्तामा बसेको दलले जे गरे पनि हुन्छ भन्ने अंहकार शैलीले लोकतन्त्र नै लज्जित बनेको उनको भनाइ रहेको छ ।
‘सबै पक्षमा सहमति पूर्ण सौदाबाजी देखियो।’ उनले भनेका छन्, ‘ सत्तासीनले जे गरे पनि हुन्छ भन्ने अहंकारी शैलीले लोकतंत्र लज्जित बनायो।’
बजेट निर्माण बारे संसदीय छानबिनसमितिमा अल्पमत र बहुमत भयो,तर सँसदमा ठोस विरोध भएन ?
*सबै पक्षमा सहमति पूर्ण सौदाबाजी देखियो।
* नीतिगत भ्रष्टाचार ~राष्ट्रिय सहमतीकै अङ्ग बन्यो,लोक लज्जा र जनमतको उपहास भयो।
* सत्तासीनले जे गरे पनि हुन्छ भन्ने अहंकारी शैलीले लोकतंत्र लज्जित बनायो।— Arjun Narasingha Kc (@ArjunNarasingha) August 1, 2022
यो खबर पढेर तपाईलाई कस्तो महसुस भयो ?
प्रतिक्रिया