काठमाडौं । प्रधानमन्त्री तथा कांग्रेस सभापति शेरबहादुर देउवाले आगामी संघ र प्रदेशको निर्वाचनको तयारीमा लाग्न जिल्ला सभापतिलाई निर्देशन दिएका छन् ।
प्रधानमन्त्री देउवालाई भेट्न बालुवाटार पुगेका जिल्ला सभापतिलाई देउवाले यस्तो निर्देशन दिएका हुन् । आइतबार नेपाली कांग्रेस काठमाडौंका सभापति सबुज बाँनिया र भक्तपुरका सभापति दुर्लभ थापा देउवालाई भेट्न बालुवाटार पुगेका थिए ।
भेटमा आगामी संघीय र प्रदेशसभा निर्वाचनको जुट्न देउवाले जिल्ला सभापतिलाई निर्देशन दिएका हुन् । सभापति देउवासँगको भेटमा पार्टीलाई एकताबद्ध बनाएर चुनावमा होमिन पनि निर्देशन दिएको बताइएको छ ।
निर्वाचनको मिति घोषणा गर्न सरकारले तयारी गरिरहेको जनाउँदै अन्य सबै कुरा छोडेर निर्वाचनमै केन्द्रीत हुन देउवाले जिल्ला सभापतिलाई भनेका हुन् । आगामी मंसिर ४ गतेका लागि निर्वाचनको मिति तय गर्नेबारे सरकारले आन्तरिक तयारी गरिरहेको छ ।
यो खबर पढेर तपाईलाई कस्तो महसुस भयो ?
प्रतिक्रिया