३० आश्विन २०७८, शनिवार

‘युइएफ नेसन्स’ कप लिगमा विश्वविजेता फ्रान्ससँगै डेनमार्क विजयी

२०७५,भाद्र,२५,सोमवार ०७:०१


फ्रान्स । युइएफ नेसन्स कप लिग अन्तर्गत विश्वकप च्याम्पियन फ्रान्स विजयी भएको छ ।

आइतवार राति आफ्नो घरेलु मैदानमा भएको खेलमा फ्रान्सले नेदरल्याण्ड्सलाई २-१ गोल अन्तरले हराएको हो । खेल शुरु भएको १४ मिनेट पनि बित्न नपाउँदै फ्रान्सका लागि केलियन एमबाप्पले पहिलो गोल गर्दै टिमलाई शुरुवाती अग्रता दिलाए ।

प्रतिस्पर्धात्मक खेलको पहिलो हाफसम्म एक-शुन्य गोल पछाडि रहेको नेदरल्याण्ड्सले दोस्रो हाफमा बराबरी गोल फर्कायो ।  खेलको ६७ औं मिनेटमा केनी टेटेको पासलाई सदुपयोग गर्दै रायन बाबेलले गोल गर्दै खेललाई एक-एकको स्थितीमा ल्याए । 

त्यस्तै, फ्रान्सका लागि ७४ औँ मिनेटमा ओलिभियर जिरुडले गोल गर्दै खेललाई २-१ को स्थितीमा पुर्‍याए।  जिरुडले बेन्जामिन मेन्डीले दिएको पासलाई सहि दिशा दिदै गोलपोष्टको जाली चुमाएका थिए ।

त्यसपछि खेलमा थप गोल भएन र खेल फ्रान्सले २-१ ले जित्यो । यो गोलसँगै जिरुडले अन्तर्राष्ट्रिय गोल संख्यामा फ्रान्सका पूर्व कप्तान जिनेदिन जिदानलाई पनि पछाडि पारेका छन् ।

उनले ३१ औं गोल गर्ने क्रममा ८ सय मिनेट लामो गोलको खडेरी पनि तोडे । चेल्सीबाट व्यवसायिक फुटबल खेलेका जिरुडले टोलीलाई नेसन्स लिगमा ३ अंक दिलाउन सफल भए । 

त्यस्तै, आइतवार राति नै भएको अर्को खेलमा डेनमार्कले वेल्सलाई २-० गोल अन्तरले पराजित गर्न सफल भयो । डेनमार्कलाई जीत दिलाउन क्रिस्टियन एरिक्सनले दुई गोल गरे ।

उनले खेलको १८ औँ मिनेटमा र ६३ औँ मिनेटमा पेनाल्टीमार्फ दुई गोल गरेका थिए । 
 

प्रकाशित मिति: २०७५,भाद्र,२५,सोमवार ०७:०१

प्रतिक्रिया दिनुहोस !
सम्बन्धित खबरहरु

काठमाडौं । नेपाल क्रिकेट संघ (क्यान) ले राष्ट्रिय महिला क्रिकेट टिमको बन्द प्रशिक्षणका लागि २४ खेलाडी छनोट गरेको छ ।

काठमाडौं । भारतीय क्रिकेट टिमका मुख्य प्रशिक्षकमा नियुक्त भएका छन् । युएई र ओमानमा आयोजना हुने टी-ट्वान्टी विश्वकपपछि द्रविडले भारतीय

काठमाडौं । नेपाली राष्ट्रिय फुटबल टिमका मुख्य प्रशिक्षक अब्दुल्लाह अल्मुताइरीले दक्षिण एसियाली फुटबल फेडेरसन (साफ) ले नेपाली फुटबल र आफू

काठमाडौं । नेपालका फरवार्ड अन्जन विष्टले माल्दिभ्समा जारी साफ च्याम्पियनसिप फुटबल अन्तर्गत भारतविरुद्धको फाइनल खेल गुमाउने भएका छन् । दुई

ताजा समाचार

बसको ठक्करबाट मोटरसाइकल चालककको मृत्यु
 २०७८,आश्विन,३०,शनिवार १५:३८
लागूऔषधको बढ्दो प्रयोगले अपराध बढ्दै
 २०७८,आश्विन,३०,शनिवार १५:३४
काठमाडौंमा चहलपहल बढ्यो
 २०७८,आश्विन,३०,शनिवार १५:३०
धनगढी-स्याउले सडक खण्डमा कालोपत्र सुरु
 २०७८,आश्विन,३०,शनिवार १४:५३
सर्पको डसाइबाट एक युवकको मृत्यु
 २०७८,आश्विन,३०,शनिवार १४:३७
मौषम अपडेट : आजदेखि वर्षाको सम्भावना
 २०७८,आश्विन,३०,शनिवार १४:३०