बंगलादेश। साफ च्याम्पियनसीप अन्तर्गत नेपाल र बंगलादेशबीचको पहिलो हाफको खेल सकिएको छ ।
राजधानी ढाकास्थित बंगबन्धु रंगशालामा शनिवार भएको खेलमा पहिलो हाफसम्म नेपालले एक-शुन्य गोलको अग्रता लिएको छ ।
खेल शुरु भएको ३ मिनेटमा नै बंगलादेशलार्इ पहिलो कर्नर हान्ने मौका पायो । तर, नेपाली गोलकिपर किरण चेम्जोङलेले सहजै बललाई नियन्त्रणमा लिए । खेलको १० औँ मिनेटमा बंगलादेशले काउन्टर अट्याकमा गोल गर्न चुके ।
बंगलादेशले प्रहार गरेको बल नेपालका डिफेन्डर आदित्य चौधरीले क्लीयर गरे । बंगलादेशविरुद्धको खेलमा नेपाललाई बराबरी नै पर्याप्त हुने हुँदा रक्षात्मक रणनीति अपनाएको छ ।
खेलको १४ औँ मिनेटमा नीराजन खड्काको क्रसमा सुनिल बलले हेड गर्ने मार्फत गोल गर्ने प्रयास बंगलादेशका डिफेन्डरले क्लियर गरे ।
२५ औँ मिनेटमा बंगलादेशले प्रहार गरेको फ्रिकिक रोहित चन्दले विफल पारिदिए । ३३ औँ मिनेटमा बिमल घर्तिमगरले पहिलो गोल गर्दै टिमलाई शुरुवाती अग्रता दिलाए ।
बिमलले जारी साफ च्याम्पियनसिपमा गरेको यो दोस्रो गोल हो । यसअघि बिमलले पाकिस्तानविरुद्ध पहिलो गोल गरेका थिए ।
३६ औँ मिनेटमा नेपाल फ्रिकिक हान्ने मौका पायो । नेपालका सुनिलले खेलमा दोब्बर अग्रता लिने अवसर गुमाए । सुनिलले प्रहार गरेको बललाई सुजल श्रेष्ठको हेडर पोस्टभन्दा माथिबाट बाहिरियो ।
यो खबर पढेर तपाईलाई कस्तो महसुस भयो ?
प्रतिक्रिया