११ कार्तिक २०७८, बिहीवार

उपत्यकाबाट २७ मेट्रिक टन फोहर व्यवस्थापन

२०७५,भाद्र,२३,शनिवार ०८:२१

9
Shares

काठमाडौं । उपत्यकाका नदी र चक्रपथ सफाइ गरी आज २७ मेट्रिक टन फोहर व्यवस्थापन गरिएको छ । 

वाग्मती सफाइ महाअभियानको २७८ औँ हप्तामा बानेश्वर क्याम्पस अघिको नदीमा सफाइ गरियो । सफाइमा अधिकार सम्पन्न वाग्मती सभ्यता एकीकृत विकास समिति, काठमाडौँ महानगरपालिका, नेपाली सेना, नेपाल प्रहरी, सशस्त्र प्रहरीलगायत २० संस्थाका ४०० भन्दा बढी अभियानकर्मीको सक्रियता थियो । 

लामो समयदेखि नदी किनारको फोहर उठन नसक्दा दुर्गन्ध फैलिएको अधिकार सम्पन्न वाग्मती समितिकी सञ्चालक सदस्य माला खरेलले जानकारी दिए । 

“आजको सफाइबाट पाँच मेट्रिक टन फोहर व्यवस्थापन भएको छ, फोहर नउठाउँदा नदी किनारमै थुप्रो लागेको छ, यसले नदी फोहर हुने सम्भावना बढेको छ”, उनले भने ।  

वाग्मतीको मुहान सुन्दरीजलदेखि नै सफाइ गर्ने अभियान चलाएको वाग्मती सुन्दरता सरोकार मञ्चले २३९ औँ हप्ताको सफाइ गोकर्णेश्वर महादेव मन्दिर परिसरमा गरेको छ । नगरपालिका–४ का अध्यक्ष श्रीकुमार श्रेष्ठको संयोजनमा भएको सफाइमा प्रदेशसभा सदस्य रामेश्वर फुयाँललगायत जनप्रतिनिधिको सहभागिता थियो । 

आइतबार परेको बाबुको मुख हेर्ने औँशीको अघिल्लो दिन मन्दिर परिसर सफाइ गरिएको मञ्चका अध्यक्ष उत्तम पुडासैनीले बताउनुभयो । सफाइबाट चार मेट्रिक टन फोहर व्यवस्थापन गरियो । कुहिने फोहर त्यही गाडियो । नकुहिने फोहर सोमबार बिहान व्यवस्थापन गरिने छ । मन्दिर परिसरमा आइतबार र सोमबार पनि निरन्तर सफाइ गरिने जनाइएको छ । 

सफाइमा मुहानदेखिकै नदी सफाइ अभियानमा जुटेका राम्रो जोरपाटी, हाम्रो जोरपाटी, पुडासैनीमैत्री समाज, माकलबारी टोल सुधार समितिलगायत संस्थाको पनि सक्रियता थियो । 

रुद्रमती सफाइको २३३औँ हप्तामा रातोपुल–मैतीदेवी–सेतोपुल–रुद्रनगरसम्म सफाइ गरी एक मेट्रिक टन फोहर व्यवस्थापन गरियो । रुद्रमती सरोकार समाजको नेतृत्वमा भएको सफाइमा वडा नं ३० का अध्यक्ष दलबहादुर कार्की, वातावरण संरक्षण अभियान, प्रसिद्धि कला समूहलगायत संस्थाका १५० भन्दा बढी अभियानकर्मीको सहभागिता रहेको संयोजक रोहित गिरीले जानकारी दिए । 

विष्णुमती सफाइको २०५ औँ हप्तामा टोखा र तारकेश्वर नगरपालिकाको सीमास्थित मनमैँजुमा सफाइ गरियो । सफाइमा तीनवटा सुरक्षा निकायसहित २५० भन्दा बढी अभियानकर्मीको सहभागिता थियो । सफाइबाट चार मेट्रिक टन फोहर व्यवस्थापन गरिएको संयोजक विजेन्द्र लामाले बताए । 

यसैगरी मनोहरा सफाइको ७६ औँ हप्तामा बालकुमारीस्थित नदी क्षेत्रमा सफाइ गरी एक मेट्रिक टन फोहर व्यवस्थापन गरियो । चक्रपथ सफाइको ७४ औँ हप्तामा तिलगङ्गा–गैरीगाउँ पेट्रोलपम्पसम्म सफाइ गरियो । ३५० जना अभियानकर्मीको सक्रियतामा भएको सफाइबाट १० मेट्रिक टन फोहर व्यवस्थापन गरिएको संयोजक लोकबहादुर टण्डनले राससलाई बताउनुभयो । चक्रपथको दायाँबायाँ पनि फोहरको डङ्गुर थुप्रिएको उनको भनाई छ ।  

आलोकनगर सफाइको ७४ औँ हप्तामा त्यस क्षेत्रमा सफाइ गरी एक मेट्रिक टन फोहर व्यवस्थापन गरियो । सफाइसँगै घरदैलोमा गई जनचेतनामूलक कार्यक्रम आयोजना गरिएको संयोजक प्रमिला पौडेलले बताएका छन् ।  त्यस क्षेत्रमा लगाइएको रुद्राक्षको बिरुवा गोडमेलसमेत गरियो । वाग्मतीको सुन्दरीघाट खण्ड सफाइको ८८ औँ हप्तामा आज त्यस क्षेत्रमा सफाइ गरी एक मेट्रिक टन फोहर व्यवस्थापन गरियो । 

विसं २०७० जेठ ५ गते शनिबारदेखि शुरु भएको वाग्मती सफाइ महाअभियानसँगै देशका १०० भन्दा बढी स्थानमा सफाइ अभियान शुरु भइसकेको छ । 
 

प्रकाशित मिति: २०७५,भाद्र,२३,शनिवार ०८:२१

प्रतिक्रिया दिनुहोस !
सम्बन्धित खबरहरु

आपराधिक सत्य घटनामा आधारित नेपालकै पहिलो क्राइम एण्ड इन्भेस्टिगेसन सिरिज, क्राइम फाइल्स यहि आउँदो कात्तिक महिनादेखि कान्तिपुर टेलिभिजनबाट प्रशारण हुने

काठमाडौं । राउन्ड टेबल इन्टरनेसनलमा पहिलो पटक राउण्ड टेबल नेपालका जयन्त अग्रवाल उपाध्यक्ष पदमा निर्वाचित भएका छन् । अग्रवालले राउन्ड

मनाङ । गत जेठ अन्तिममा परेको अविरल वर्षाले जिल्लामा सरकारी, गैरसरकारी तथा व्यक्तिगत संरचनामा क्षति पुगेको छ । हालसालै पनि

काठमाडौं । नेपाली कांग्रेसका सांसद गगन थापाले पूर्वप्रधानमन्त्री एवम् एमाले वरिष्ठ नेता झलनाथ खनालको उपचारका लागि सरकारले दिन लागेको उपचार

ताजा समाचार

एमाले अधिवेशनमा सर्वसम्मतिको अन्तर्य
 २०७८,कार्तिक,११,बिहीवार ०७:१९