१ कार्तिक २०७८, सोमवार

टुर गाइडको बढेको ४० प्रतिशत ज्याला असोज १ देखि लागू नभए प्रतिवाद गर्ने यूनिट्राभको चेतावनी

२०७५,भाद्र,२३,शनिवार ०६:१२


काठमाडौं । पर्यटन श्रमिकहरुको छाता संस्था नेपाल ट्रेकिङ–ट्राभल्स–र्याफ्टिङ–एयरलाईन्स–संस्कृत–पुरातात्विक–कुरियर–कार्गाे–कर्मचारी–मजदुर यूनियन (यूनिट्राभ) ले असोज १ गतेदेखि गाइडको बढेको ४० प्रतिशत तलब मागदाबी गर्न सबै श्रमिकहरुलाई शर्कुलर गरेको छ । यदि खाईपाई आएको ज्यालामा ४० प्रतिशत वृद्धि नगरिए त्यसको प्रतिवाद गर्न पनि यूनिट्राभले सबै टुर गाइडलाई निर्देशन गरेको छ ।

एक प्रेस विज्ञप्ति जारी गर्दै यूनिट्राभले गाइडहरुको खाईपाई आएको ज्याला÷पारिश्रमिकमा ४० प्रतिशत वृद्धि गरी श्रमिकहरुलाई सोहि अनुरुप उपलब्ध गराउन पनि भनेको छ ।
यूनिट्राभले २०७४ माघ १२ गते पर्यटन संस्था नेपाल एसोसियसन अफ टूर्स एण्ड ट्राभल्स एजेन्ट (नाट्टा) चार सुत्रीय माग राखी ज्ञापनपत्र बुझाएको त्यसको हालसम्म पनि सुनुवाई नभएकोमा आपति जनाउँदै उक्त शर्कुलर गरेको जनाएको छ । टुर गाइडको खाईपाई आएको ज्याला ४० प्रतिशत वृद्धि गर्नुपर्ने, फर्जि टुर गाइडको छानबिन हुनुपर्ने, दुर्घटना बीमा÷मेडिकल बीमा हुनुपर्ने, श्रम ऐन, सामाजिक सुरक्षा ऐन कार्यान्वयन लगायत विषयमा हालसम्म कुनै सुनुवाई नभएको भन्दै यूनिट्राभअन्तर्गतका श्रमिकहरु आक्रोशित छन् । 

त्यस्तै नेपाल सरकार पर्यटन विभागले पनि आधिकारिक ट्रेड यूनियन संगठनहरुसँग वार्ता नगरी गैर ट्रेड यूनियनसँग वार्ता र सम्वाद गरेकोमा संगठनको ध्यानाकर्षण भएको यूनिट्राभले जनाएको छ । ‘नेपाल सरकार पर्यटन विभाग, श्रम विभाग, नाट्टा लगायत सरोकार सबै पक्षसँग समस्या समाधानको पहल गर्न अनुरोध गरेपनि टुर गाइडको पक्षमा कुनै आवाज नउठाईएपछि बाध्य भएर असोज १ देखि टुर गाइडले खाईपाई आएको ज्यालामा ४० प्रतिशत वृद्धिको घोषणा गरिएको र सोहि अनुसार लिन टुर गाइडलाई आग्रह गर्दछौं ।

सोहि अनुसार दिन व्यवसायीलाई पनि आग्रह गर्दछौं । यदि उक्त रकम नबढाइएमा बाध्य भएर सबै टुर गाइडले प्रतिवाद गर्नेछन् र वृद्धि भएको रकम लिन र नपाए प्रतिवादका लागि तयार रहन टुर गाइडलाई निर्देशन गर्दछौं,’ यूनिट्राभद्वारा जारी विज्ञप्तिमा भनिएको छ ।

प्रकाशित मिति: २०७५,भाद्र,२३,शनिवार ०६:१२

प्रतिक्रिया दिनुहोस !
सम्बन्धित खबरहरु

आपराधिक सत्य घटनामा आधारित नेपालकै पहिलो क्राइम एण्ड इन्भेस्टिगेसन सिरिज, क्राइम फाइल्स यहि आउँदो कात्तिक महिनादेखि कान्तिपुर टेलिभिजनबाट प्रशारण हुने

काठमाडौं । राउन्ड टेबल इन्टरनेसनलमा पहिलो पटक राउण्ड टेबल नेपालका जयन्त अग्रवाल उपाध्यक्ष पदमा निर्वाचित भएका छन् । अग्रवालले राउन्ड

मनाङ । गत जेठ अन्तिममा परेको अविरल वर्षाले जिल्लामा सरकारी, गैरसरकारी तथा व्यक्तिगत संरचनामा क्षति पुगेको छ । हालसालै पनि

काठमाडौं । नेपाली कांग्रेसका सांसद गगन थापाले पूर्वप्रधानमन्त्री एवम् एमाले वरिष्ठ नेता झलनाथ खनालको उपचारका लागि सरकारले दिन लागेको उपचार

ताजा समाचार

पर्यटकको पर्खाइमा धन्दुर सिद्धगुफा
 २०७८,कार्तिक,१,सोमवार ०९:४३
बार्सिलोनासँग भ्यालेन्सिया पराजित
 २०७८,कार्तिक,१,सोमवार ०९:०८
घरेलु मैदानमै न्युकासल स्तब्ध
 २०७८,कार्तिक,१,सोमवार ०८:५७