३० आश्विन २०७८, शनिवार

साफ च्याम्पियनसिप: नेपाललाई भुटानविरुद्धको खेल जित्नै पर्ने दवाव

२०७५,भाद्र,२१,बिहीवार ०७:०५


बंगलादेश । बंगलादेशमा जारी साफ च्याम्पियनसिप अन्तर्गत नेपालले आफ्नो दोस्रो खेलमा भुटानसँग प्रतिस्पर्धा गर्दैछ । 

बंगबन्धु रंगशालामा नेपाल र भुटानबीचको खेल नेपाली समयानुसार अपराह्न पौने ४ बजेपछि शुरु हुनेछ । पहिलो खेलमा पाकिस्तानसँग २–१ गोलले पराजित भएको नेपाललाई सेमिफाइनल पुग्न पनि बिहीवारको खेल जित्नै पर्ने दबाब छ । 

साफ च्याम्पियनसिपमा नेपाल र भुटान दुई पटक आमने-सामने भएका छन् । जसमा दुवै खेल नेपालले जितेको छ । नेपालले सेमिफाइनलको सम्भावना जीवितै राख्न भुटानलाई हराउनुको विकल्प छैन । पराजित भए नेपाल पुनः समूह चरणबाटै बाहिरिनेछ ।  

नेपालसहित पाकिस्तान, भुटान र आयोजक बङ्गलादेश रहेको समूह ‘ए’ मा पाकिस्तान र बङ्गलादेशले आ–आफ्नो पहिलो खेल जित्दै महत्वपूर्ण तीन-तीन अंक जोडिसकेका छन् । त्यसैले पनि नेपाललाई जित्नै पर्ने दबाब रहेको ढाकामा रहेका एन्फा उपाध्यक्ष कृष्ण थापाले जानकारी दिए ।  

‘बिहीवारको खेल नेपालका लागि गर या मरको अवस्था हो’ उनले भने । नेपालले भुटानसँग सन् २००३ को साफमा प्रतिस्पर्धा गरेको थियो । ढाकामै भएको खेलमा नेपालले भुटानलाई २-० गोलले हराएको थियो ।

त्यस्तै नेपालले पाकिस्तानको कराचीमा सन् २००५ मा सम्पन्न साफमा भुटानलाई ३-१ ले हराएको थियो । 

प्रारम्भिक नेपाली टिम

गोलकिपर- किरणकुमार लिम्बू, विकेश कुथु, एलन न्यौपाने

डिफेन्डर- दिनेश राजवंशी, देवेन्द्र तामाङ, विराज महर्जन, अनन्त तामाङ, आदित्य चौधरी, रोहित चन्द, सुमन अर्याल

मिडफिल्डर- हेमन्त थापामगर, हेमन गुरुङ, विशाल राई, सुनिल वल, सुजल श्रेष्ठ, नीराजन खड्का 

फरवार्ड- भरत खवास, विमल घर्तीमगर, नवयुग श्रेष्ठ, अन्जन विष्ट 

प्रकाशित मिति: २०७५,भाद्र,२१,बिहीवार ०७:०५

प्रतिक्रिया दिनुहोस !
सम्बन्धित खबरहरु

काठमाडौं । नेपाल क्रिकेट संघ (क्यान) ले राष्ट्रिय महिला क्रिकेट टिमको बन्द प्रशिक्षणका लागि २४ खेलाडी छनोट गरेको छ ।

काठमाडौं । भारतीय क्रिकेट टिमका मुख्य प्रशिक्षकमा नियुक्त भएका छन् । युएई र ओमानमा आयोजना हुने टी-ट्वान्टी विश्वकपपछि द्रविडले भारतीय

काठमाडौं । नेपाली राष्ट्रिय फुटबल टिमका मुख्य प्रशिक्षक अब्दुल्लाह अल्मुताइरीले दक्षिण एसियाली फुटबल फेडेरसन (साफ) ले नेपाली फुटबल र आफू

काठमाडौं । नेपालका फरवार्ड अन्जन विष्टले माल्दिभ्समा जारी साफ च्याम्पियनसिप फुटबल अन्तर्गत भारतविरुद्धको फाइनल खेल गुमाउने भएका छन् । दुई

ताजा समाचार

बसको ठक्करबाट मोटरसाइकल चालककको मृत्यु
 २०७८,आश्विन,३०,शनिवार १५:३८
लागूऔषधको बढ्दो प्रयोगले अपराध बढ्दै
 २०७८,आश्विन,३०,शनिवार १५:३४
काठमाडौंमा चहलपहल बढ्यो
 २०७८,आश्विन,३०,शनिवार १५:३०
धनगढी-स्याउले सडक खण्डमा कालोपत्र सुरु
 २०७८,आश्विन,३०,शनिवार १४:५३
सर्पको डसाइबाट एक युवकको मृत्यु
 २०७८,आश्विन,३०,शनिवार १४:३७