३१ आश्विन २०७८, आईतवार

तिब्बतबाट नेपाल भित्र्याइएको अवैध सुनसहित भारतीय नागरीक पक्राउ

२०७५,भाद्र,२०,बुधबार ०७:०६


काठमाडौं । तिब्बतबाट नेपाल भित्र्याइएको दुई किलो सुनसहित एक भारतीय नागरिकलाई जिल्ला प्रहरी कार्यालय चितवनले पक्राउ गरेको छ ।

चितवन पुतलीबजारस्थित एक घरमा डेरा गरि बस्ने भारत महाराष्ट्र साङ्ली जिल्लाका राजेन्द्र पाटिलले सञ्चालन गरेको गणेश सुनचाँदी पसलबाट प्रहरीले दुई किलो सुन र चार किलो चाँदीसहित १२ लाख रुपैयाँ बरामद गरेको हो ।  

जिल्ला प्रहरी कार्यालय चितवन र प्रदेश नम्बर ३ क्षेत्रीय अनुसन्धान समूहले भरतपुर महानगरपालिका १ पुतलीबजारबाट मंगलबार मध्यराति सुन समातेको हो ।

‘तिब्बतबाट तस्करी गरी ल्याइएको सुन कारोबार भइरहेको विशेष सूचना आएपछि हामीले चेकजाँच गर्दा उक्त परिमाणको सुनचाँदी फेला परेको हो,’ जिल्ला प्रहरी कार्यालय चितवनका प्रहरी नायब उपरीक्षक प्रभु ढकालले जानकारी दिए । 

बरामद भएको सुन दुई किलो ७६ ग्राम, चाँदी चार किलो ६१७ ग्राम र नगद १२ लाख रुपैयाँ राजश्व अनुसन्धान विभाग पठाइएको नायब उपरीक्षक ढकालले जानकारी दिए । 

विगत १० वर्षदेखि नारायणगढमा सुन बिक्री वितरण र रिफाइनिङ गर्ने पाटिलले तिब्बती नागरिकले आफूलाई उक्त सुन ल्याइदिएको प्रहरीलाई बताएका छन् । 

यसबारे थप अनुसन्धान भइरहेको प्रहरी नायब उपरीक्षक ढकालले जानकारी दिए ।
 

प्रकाशित मिति: २०७५,भाद्र,२०,बुधबार ०७:०६

प्रतिक्रिया दिनुहोस !
सम्बन्धित खबरहरु

आपराधिक सत्य घटनामा आधारित नेपालकै पहिलो क्राइम एण्ड इन्भेस्टिगेसन सिरिज, क्राइम फाइल्स यहि आउँदो कात्तिक महिनादेखि कान्तिपुर टेलिभिजनबाट प्रशारण हुने

काठमाडौं । राउन्ड टेबल इन्टरनेसनलमा पहिलो पटक राउण्ड टेबल नेपालका जयन्त अग्रवाल उपाध्यक्ष पदमा निर्वाचित भएका छन् । अग्रवालले राउन्ड

मनाङ । गत जेठ अन्तिममा परेको अविरल वर्षाले जिल्लामा सरकारी, गैरसरकारी तथा व्यक्तिगत संरचनामा क्षति पुगेको छ । हालसालै पनि

काठमाडौं । नेपाली कांग्रेसका सांसद गगन थापाले पूर्वप्रधानमन्त्री एवम् एमाले वरिष्ठ नेता झलनाथ खनालको उपचारका लागि सरकारले दिन लागेको उपचार

ताजा समाचार

दशैँमा देखिएको केही फरक र मनोरम दृश्यहरु
 २०७८,आश्विन,३१,आईतवार १२:३३