काठमाडौं । नेपाल र हङकङ मलेसियामा जारी एशिया कप छनोट क्रिकेटको समूह चरणको अन्तिम खेलमा मंगलवार भिड्ने भएका छन् ।
चार खेलमा दुईमा जित र दुईमा हारका बेहोरेको नेपाल अंक तालिकाको चौथो स्थानमा छ । हङकङले दुईमा जित र एक हारका साथ तेस्रो स्थानमा छ ।
नेपाल ओमान र संयुक्त अरब इमिरेट्स ‘युएइ’सँग पराजित भएको थियो भने आयोजक मलेसिया र सिंगापुरलाई हराएको थियो । छनोट खेलको फाइनल पुग्न नेपालको सम्भावना न्युन रहेको छ ।
मंगलवार नेपालले हङकङलाई फराकिलोअन्तरले पराजित पराजित गरेमा र ओमनले युएईलाई समेत फराकिलो अन्तरले पराजित गरेमो फाइनलमा पुग्नेछ ।
४ खेलमध्ये ३ मा जितका साथ ओमन अंक तालिकाको शीर्ष स्थानमा छ । ४ खेलमध्ये ३ मा जित र एक हारका साथ युएई दोस्रो स्थानमा छ ।
मलेसिया र सिङ्गापुर भने फाइनलमा पुग्ने होडबाट बाहिरिसकेका छन् ।
यो खबर पढेर तपाईलाई कस्तो महसुस भयो ?
प्रतिक्रिया