२३ श्रावण २०७९, सोमवार

प्रभु लाइफ इन्स्योरेन्सको विशेष साधारण सभा सम्पन्न

२०७९,असार,२३,बिहीवार १७:५८

0
Shares

काठमाडौं । प्रभु लाइफ इन्स्योरेन्स लिमिटेडको विशेष साधारणसभा सम्पन्न भएको छ । कम्पनीको विशेष साधारणसभा आज आम्रपाली ब्याङ्क्वेट, काठमाडौंमा कम्पनीका अध्यक्ष सुभाष अमात्यको अध्यक्षतामा सम्पन्न भएको हो ।

२०७४ मंसिर २८ गतेदेखि जीवन बीमा व्यवसाय कारोबार सञ्चालन गर्दै आएको प्रभु लाइफ इन्स्योरेन्सका सञ्चालक समितिमा अध्यक्ष सुभाष अमात्य लगायत सञ्चालक सदस्यहरुमा, मनिराम पोखरेल, स्वतन्त्र सञ्चालकअनिल प्रसाद श्रेष्ठ, डा. बिमला दाहाल रेग्मी, सि.ए. दिपक पाण्डे र सि.ए. शंकर गौतम रहेका छन् ।

उक्त विशेष साधारणसभाले मूलतः नियामक निकायले तोके बमोजिम कम्पनीको अधिकृत तथा जारी पुँजी वृद्धि गर्ने र यसको लागि अन्य कुनै जीवन बीमासँग एक आपसमा गाभ्ने/गाभिने तथा प्राप्ति गर्ने प्रयोजनको लागि उपयुक्त जीवन बीमा कम्पनीको पहिचान तथा छनौट गर्ने लगायत विषयमा छलफल अनुमोदन गरेको छ ।

यसका साथै, समझदारीपत्रमा हस्ताक्षर गर्ने, सोको आधारमा सैद्धान्तिक स्वीकृतिका लागि बीमा समिति समक्ष निवेदन दिने, आवश्यकता अनुसार सम्पत्ति तथा दायित्वहरुको मूल्याङ्ककन गर्न परामर्शदाता, मूल्याङ्ककनकर्ता तथा लेखापरिक्षकहरु नियूक्त गर्ने, निजहरुको पारिश्रमिक तोक्ने तथा कम्पनी एक आपसमा गाभ्ने/गाभिनेसँग सम्बन्धित प्रचलित नियम, कानुन तथा निर्देशनहरु बमोजिम अपनाउनुपर्ने तथा गर्नुपर्ने सम्पूर्ण आवश्यक कार्य एवम् प्रकृयाहरु पूरा गरी अख्तियार प्राप्त निकायबाट अन्तिम स्वीकृती लिने तथा सो सन्दर्भमा नियामक निकायहरुले निर्देशन गरे बमोजिम विवरण उपलब्ध गराउने लगायतका कम्पनी गाभ्ने/गाभिने सम्बन्धी अन्य आवश्यक कार्य गर्न गराउन सञ्चालक समितिलाई पूर्ण अख्तियारी दिने भन्ने बुँदाहरुलाई अनुमोदन गरेको छ ।

उक्त विशेष साधारणसभाले संस्थापक समूहबाट सञ्चालक समितिमा प्रतिनिधित्व गर्ने सञ्चालकहरुको नियूक्ती अनुमोदन गर्नुकासाथै प्रबन्धपत्र र नियमावली संशोधन गर्दा नियमनकारी निकायबाट हेरफेर संशोधन परिमार्जन गरेमा सोही अनुसार गर्न सञ्चालक समितिलाई अख्तियारी समेत प्रदान गरेको छ ।

प्रकाशित मिति: २०७९,असार,२३,बिहीवार १७:५८

प्रतिक्रिया दिनुहोस !
सम्बन्धित खबरहरु

काठमाडौं । माई पे डिजिटल वालेटले नयाँ विशेषता सहितको माई पे क्वाइन सार्वजनिक गरेको छ । एक क्वाइन बराबर एक

काठमाडाैं । नेपालका लागि महिन्द्रा फोरव्हीलरको एक मात्र आधिकारिक बिक्रेता रहेको अग्नी ग्रुपले आफ्ना सेवाग्राहीहरुको सुविधाका निम्ति नयाँ ‘टु-एस’ सर्भिस

काठमाडौं । भायानेट कम्युनिकेसन लिमिटेडले आफ्नो सेवा विस्तार गर्ने क्रममा बाराको परवानीपुर र सिमरामा नयाँ शाखा विस्तार गरेको छ ।

काठमाडौं । डिसहोमको वार्षिक रिचार्ज योजनाअन्तर्गत एक भाग्यशाली ग्राहकले एक लाख रुपैयाँ जितेका छन् । माडि गापा ४ घर्तीगाउँका तारकेबाङ

ताजा समाचार