२६ श्रावण २०७९, बिहीवार

मधेश प्रदेशको औद्योगिक क्षेत्रमा मात्र एक खर्ब १२ अर्ब रुपैयाँ कर्जा

२०७९,असार,२३,बिहीवार १५:०४

0
Shares

काठमाडौं । मधेश प्रदेशको औद्योगिक क्षेत्रमा मात्र बैंक तथा फाइनान्स कम्पनीहरुले एक खर्ब १२ अर्ब ३४ करोड रुपैयाँ कर्जा प्रवाह गरेका छन् ।

नेपाल राष्ट्र बैंकले सार्वजनिक गरेको प्रदेशगत वित्तीय सेवा तथा वित्तीय उपकरणको स्थिति आर्थिक वर्ष २०७८/७९ को प्रथम अर्धवार्षिक अवधिको प्रतिवेदन अनुसार चालू आर्थिकको ६ महिनाको अवधिमा बैंक तथा वित्तीय संस्थाबाट मधेश प्रदेशमा औद्योगिक क्षेत्रतर्फ प्रवाह भएको कुल कर्जा २० दशमलव ४३ प्रतिशतले वृद्धि भई एक खर्ब १२ अर्ब ३४ करोड पुगेको हो ।

प्रतिवेदन अनुसार गत आर्थिक वर्षको सोही अवधिमा यस्तो कर्जा ९३ अर्ब २८ करोड रहेको थियो । समिक्षा अवधिमा मधेश प्रदेशमा औद्योगिक क्षेत्रमा प्रवाहित कर्जा मध्ये सबैभन्दा बढी कर्जा पर्सा जिल्लामा ६१ दशमलव ४५ प्रतिशत र सबैभन्दा कम सप्तरी जिल्लामा दुई दशमलव ५३ प्रतिशत कर्जा प्रवाह भएको छ ।

सोअनुसार पर्सामा ६९ अर्ब चार करोड रुपैयाँ औद्यौगिक कर्जा प्रवाह हुँदा सप्तरी जिल्लामा २८ करोड ४० लाख रुपैयाँ कर्जा प्रजाह भएको छ । मधेश प्रदेशमा सबभन्दा धेरै उद्योगहरू पर्सा जिल्लामा रहेको र कोभिड–१९ को महामारी सामान्य हुँदै गए पछि उद्योगहरूका सञ्चालन क्षमता उपयोग बढ्दै औद्योगिक गतिविधि र उत्पादन बढ्दै गएकाले पर्सा जिल्लामा सबभन्दा बढी औद्योगिक कर्जा प्रवाह भएको प्रतिवेदनमा उल्लेख छ ।

यी बाहेक सिराह जिल्लामा पाँच दशमलव २० प्रतिशत अर्थात ५८ करोड ४० लाख, धनुषा जिल्लामा १० दशमलव ०९ अर्थात एक अर्ब ११ करोड ३० लाख, महोत्तरीमा ६० दशमलव ६ प्रतिशत अर्थात ६८ करोड १० लाख, सर्लाहीमा पाँच दशमलव ३४ प्रतिशत अर्थात छ अर्ब र रौत्तहटमा चार दशमलव २१ प्रतिशत अर्जात ५७ करोड ५० लाख रुपैयाँ कर्जा प्रवाह गरेको देखिएको प्रतिवेदनमा उल्लेख छ ।

प्रकाशित मिति: २०७९,असार,२३,बिहीवार १५:०४

प्रतिक्रिया दिनुहोस !
सम्बन्धित खबरहरु

१. देशभर निर्वाचनको माहोल तात्दै, निर्वाचन प्रयोजनको लागि आयोगले आह्वान गरेअनुसार आज चौथो दिन पनि दल दर्ता जारी, आज थप

काठमाडौं । बैंक अफ काठमाण्डू लिमिटेडले आफ्ना ग्राहकहरुलाई समय सापेक्ष डिजिटल बैंकिङ्ग सेवा तथा सुबिधाहरु दिदै आईरहेको र अझै परिस्कृत

काठमाडौं । कुमारी बैंक लिमिटेड र कपुरकोट नगरपालिका, वडा नम्बर ३, सल्यानस्थित होटेल शिरीषबीच कुमारी बैंक लिमिटेडका ग्राहकहरुलाई होटेल शिरीषबाट

काठमाडौं । अग्नि इन्कर्पोरेटले आफ्ना महिन्द्रा स्कर्पियो र बोलेरो रेन्जका सवारी साधनमा पहिलो पटक ७० प्रतिशतसम्म फाइनान्सिङ स्किम ल्याएको छ

ताजा समाचार

९ वर्षपछि जनैपूर्णिमा र गाईजात्रा एकैदिन
 २०७९,श्रावण,२६,बिहीवार ११:००
चितवनमा ट्रकको ठक्करबाट युवकको मृत्यु
 २०७९,श्रावण,२६,बिहीवार १०:५९
आजबाट सुपर डान्सर नेपाल
 २०७९,श्रावण,२६,बिहीवार १०:५४