मलेसिया । नेपालले मलेसियामा जारी एशिया कप छनोटको फाइनलमा पुग्ने सम्भावनालाई बलियो बनाएको छ ।
युकेएम ओभल मैदानमा आइतवार भएको तेस्रो खेलमा नेपालले सिंगापुरलाई ४ विकेटले पराजित गर्दै फाइनलमा पुग्ने सम्भाबनालाई जिवितै राखेको छ । सिंगापुरले दिएको १ सय ५२ रनको विजयी लक्ष्य नेपालले २८ दशमलब १ ओभरमा मात्र ६ विकेट गुमाउँदै निर्धारित लक्ष्य पुरा गर्यो ।
नेपालका लागि ओपनर ब्याट्सम्यान अनिल कुमार शाहले सर्बाधिक ४३ रनको योगदान दिए । उनले ३२ बलमा ५ चौका र २ छक्का प्रहार गर्दै ४३ रन जोडे ।
त्यस्तै, दिपेश सिंह ऐरीले ३३ रन बनाए । उपकप्तान ज्ञानेन्द्र मल्ले २९ रन, ओपनर ब्याट्सम्यान सुवास खुकरेल र सागर पुनले समान १४-१४ रन बनाए । कप्तान पारस खड्का मात्र ११ रन बनाएर पभेलियन फर्किए ।
तस्वीर : एशियन क्रिकेट काउन्सिल
यसअघि टस जितेर पहिले ब्याटिङ गरेको सिंगापुरले ४२ ओभरमा अलआउट हुँदै १ सय ५१ रनको सामान्य योगफल तयार पारेको थियो ।
पहिलो ओभरमा नै सोमपाल कामीले विकेट लिदा सिंगापुरले खाता खोलेको थिएन। त्यसपछि सिंगापुरले १८ रन बनाउदा तीन विकेट गुमाएको थियो । सिंगापुरका कप्तान चेतन सूर्यवंशीले सर्वाधिक ६० रन बनाए। चेतले चौथो विकेटका लागि अनिस परामसँग ८० रनको साझेदारी गरेका थिए।
नेपालका सन्दीप लामिछाने र ललित नारायण राजवंशीले समान ३-३ विकेट लिदै सिंगापुरको पारी ध्वत पारेका थिए ।
ललितले ९ ओभरमा १ मेडन राख्दै २७ रन खर्चेर ३ विकेट लिए। सन्दीपले १० ओभरमा ३५ रन खर्चेर ३ विकेट लिन सफल भए। सोमपाल कामीले २ विकेट लिएका थिए ।
यो खबर पढेर तपाईलाई कस्तो महसुस भयो ?
प्रतिक्रिया