काठमाडौं । नेपाली कांग्रेस नेता प्रकाशमान सिंहले भाषण गरे मात्र समृद्धि नआउने टिप्पणी गरेका छन् ।
आज नेपाली कांग्रेस चन्द्रागिरि नगर समिति काठमाडौंले आयोजना गरेको कार्यक्रममा बोल्दै सिंहले भाषण भन्दा काम गरेर देखाउने बेला आएको बताएका हुन् ।
उनले सरकारले चर्चामा आउन ठूलठूला सपना बाडेपनि नागरिकको जिउधनको सुरक्षा गर्न समेत चुकेको आरोप पनि लगाए । दिनका दिन बलत्कार र हत्या जस्ता अपराधीक गतिविधि भइरहँदा समेत दोषीलाई कारबाही गर्न नसक्नुले सरकार कमजोर हुँदै भएको कांग्रेस नेता सिंहको भनाइ छ ।
त्यस्तै दोषि माथि कारबाहीको माग गरेर सडकमा आएका सर्वसाधारण जनतालामाथि गोलि चलाउन आदेश दिने सरकारको व्यवास्था प्रति गम्भिर प्रश्न समेत उठिरहेको उनले बताए ।
दिनहुँ महङ्गि बढिरहेको, कालोबजारी भएपनि सरकार सुशासनको भाषणमा नै रमाएको उल्लेख गरेका छन् । जनजीवनका बिषयमा आसलाग्दो काम गरेर देखाउन सरकारलाई सुझाव समेत दिएका छन् ।
फरक प्रसंगमा बोल्दै कांग्रेस नेताले अहिलेको नेतृत्वबाट पार्टी सुधार हुन नसक्ने भएकाले अब सबल प्रतिपक्षीको भूमिका निभाउनु पर्नेमा समेत जोड दिएका छन् ।
पार्टीमा जनताको भरोसार र विश्वास भएकाले पार्टीका कार्यकर्ताहरुलाई चाकरी गर्ने बानि छाडेर सत्यको पक्षमा उभिन अपिल पनि गरे । मुख भन्दा गतिविधि हेरेर नेताको पछि लाग्न उनले आग्रह गरे ।
कार्यकर्ताको चेत नखुल्ने हो भने पार्टीको अस्थित्व संकटमा पर्ने उनको भनाइ थियो ।
यो खबर पढेर तपाईलाई कस्तो महसुस भयो ?
प्रतिक्रिया