काठमाडौं । पूर्वप्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ को स्वर्गीय पुत्र प्रकाश दाहालको सालिक अनावरण भएको छ ।
शुक्रबार नेपाल पर्वतारोहण संघले नुवाकोटको ककनी गाउँपालिका(६ मा रहेको ककनी अन्तर्राष्ट्रिय स्मृति पार्कमा निर्माण गरेको सालिकको अनावरण गरेका हुन् ।
सालिक अनावरणका लागि प्रचण्ड ककनी पुगेका थिए ।
२०७४ साल मंसिर ४ गते मृत्यु भएका प्रकाशको ‘लुम्बिनी सगरमाथा आरोहण अभियानका नामले शान्ति र संविधानको सन्देश प्रवाह गर्न सफल आरोही’ रहेको भन्दै सालिक बनाइएको हो ।
प्रचण्डले प्रचण्डकी बुहारी एवं प्रकाशपत्नि बिना मगरसहित ककनी पुगेर सालिक अनावरण गरेका थिए ।
यो खबर पढेर तपाईलाई कस्तो महसुस भयो ?
प्रतिक्रिया