८ कार्तिक २०७८, सोमवार

समिति सभापतिको टुङ्गो लाग्यो

२०७५,भाद्र,१३,बुधबार ०१:२८


काठमाडौंँ-राष्ट्रिय सभाका विषयगत चार समितिमध्ये तीनवटा समतिमा सभापतिको टुङ्गो लागेको छ । मङ्गलवार सभापतिका लागि तीन समितिमा एकल मनोनयन दर्ता भएसँगै यसको टुङ्गो लागेको हो ।
विधायन व्यवस्थापन समितिमा सांसद् परशुराम मेघी गुरुङ, प्रत्योजित व्यवस्थापन तथा सरकारी आश्वासन समितिमा सांसद् रामनारायण विडारी र राष्ट्रिय सरोकार तथा समन्वय समितिमा सांसद् दिलकुमारी रावल थापा (पार्वती) को उम्मेदवारी परेको छ ।

समितिका सभापतिको मनोनयन दर्ता गर्नका लागि मङ्गलवार ४ बजेसम्मको समय निर्धारण गरिएको भए पनि दिगो विकास तथा सुशासन समितिमा भने उम्मेदवारी दर्ता हुन सकेन । सभापतिका लागि सांसद्ले एक जना प्रस्तावक र एक जना समर्थकसहित मङ्गलवार संसद् सचिवालयमा मनोनयन दर्ता गरेका हुन् । समितिका ज्येष्ठ सदस्यको अध्यक्षतामा बुधवार बैठक बसेर सभापतिको घोषणा गरिनेछ ।

राष्ट्रिय सभाका सचिव राजेन्द्र फुयालले उम्मेदवारी परेका समितिका सभापतिको घोषणा भएपछि बाँकी रहेको समितिको सभापतिका लागि प्रक्रिया अगाडि बढाइने जानकारी दिए । राष्ट्रिय सभामा सत्तारुढ दल नेपाल कम्युनिष्ट पार्टी(ने क पा)का मुख्य सचेतक खिमलाल भट्टराईले सभापतिको उम्मेदवारी दर्ता हुन नसकेको दिगो विकास तथा सुशासन समितिमा नेपाली कांग्रेसका सांसदलाई राजनीतिक सहमतिका आधारमा सभापति दिन लागेको जानकारी दिए ।

उहाँले सबै समितिमा सम्बन्धित समितिका सदस्यमध्येबाट मात्र सभापति हुन पाउने व्यवस्था भएको उल्लेख गर्दै कांग्रेसका तर्फबाट समितिको सभापतिका सम्भावित उम्मेदवार अन्य समितिमा भएकोले केही दिनपछि थप प्रक्रिया अगाडि बढ्ने बताए।

राष्ट्रिय सभामा प्रमुख प्रतिपक्षी दल नेपाली कांग्रेसकी प्रमुख सचेतक सरिता प्रसाईले दिगो विकास तथा सुशासन समितिका लागि तारादेवी भट्टलाई सभापति बनाउने तयारी भइरहेको जानकारी दिए । भट्ट राष्ट्रिय सरोकार तथा समन्वय समितिमा भएका कारण मंगलवार मनोनयन हुन नसकेको हो । गाेरखापत्र दैनिकमा खबर छ ।

प्रकाशित मिति: २०७५,भाद्र,१३,बुधबार ०१:२८

प्रतिक्रिया दिनुहोस !
सम्बन्धित खबरहरु

आपराधिक सत्य घटनामा आधारित नेपालकै पहिलो क्राइम एण्ड इन्भेस्टिगेसन सिरिज, क्राइम फाइल्स यहि आउँदो कात्तिक महिनादेखि कान्तिपुर टेलिभिजनबाट प्रशारण हुने

काठमाडौं । राउन्ड टेबल इन्टरनेसनलमा पहिलो पटक राउण्ड टेबल नेपालका जयन्त अग्रवाल उपाध्यक्ष पदमा निर्वाचित भएका छन् । अग्रवालले राउन्ड

मनाङ । गत जेठ अन्तिममा परेको अविरल वर्षाले जिल्लामा सरकारी, गैरसरकारी तथा व्यक्तिगत संरचनामा क्षति पुगेको छ । हालसालै पनि

काठमाडौं । नेपाली कांग्रेसका सांसद गगन थापाले पूर्वप्रधानमन्त्री एवम् एमाले वरिष्ठ नेता झलनाथ खनालको उपचारका लागि सरकारले दिन लागेको उपचार

ताजा समाचार

लमजुङमा भूकम्पको धक्का महसुस
 २०७८,कार्तिक,८,सोमवार २२:१७
सात दिनदेखि अवरुद्ध राजमार्ग सञ्चालन
 २०७८,कार्तिक,८,सोमवार २२:०४
एमालेको पालिकास्तरमा मङ्गलवार अधिवेशन
 २०७८,कार्तिक,८,सोमवार २१:३०
च्यासलमा थप दुई विदेशी खेलाडी अनुबन्ध
 २०७८,कार्तिक,८,सोमवार २१:१६