७ कार्तिक २०७८, आईतवार

‘एशियाड’: प्याराग्लाडिङले जगायो पदकको आशा

२०७५,भाद्र,१२,मंगलवार १२:४७


जाकार्ता । इन्डोनेशियामा जारी १८ औँ एशियाली खेलकुद ‘एशियाड’ अन्तर्गत प्याराग्लाडिङले पदक ल्याउने सम्भावनालाई जिवितै राखेको छ । 

११ औँ दिनको खेलको समाप्तीसम्म पदक विहिन बनेको नेपाललाई प्याराग्लाडिङको पुरुष क्रस कन्ट्री विधाले पदक भित्राउन सक्ने सम्भावनालाई बलियो बनाएको हो । 

मंगलवार सम्पन्न चौंथो चरणको समाप्तीसम्म आइपुग्दा नेपाली पुरुष टोली दोस्रो स्थानमा छ । कुल नेपालले २७ सय ९८ अंक बनाउँदै दोस्रो स्थानमा उक्लिएको हो ।  पहिलो स्थानमा रहेको जापानको ३२ सय ९८ अंक बनाएको छ । 

यस विधामा नेपाली टोली पहिलो र दोस्रो चरणको खेलमा भने तेस्रो स्थानमा थियो । तर, सोमबार भएको तेस्रो चरणको खेलमा भने नेपाल चौँथो स्थानमा झरेको थियो । 

पदकको आशा गरिएको मार्सल आर्टको तेक्वान्दो, कराते र बक्सिङ पदक विहिन बन्दा प्याराग्लाइडिङले नेपाली खेलकुद क्षेत्रलाई उत्साहित बनाएको छ । 

भोली ‘बुधवार’ हुने पाँचौ तथा अन्तिम चरणको खेलले नेपालले स्वर्ण, रजत वा कास्य पदक जित्ने टुङगो लाग्नेछ । 

नेपाली टोलीका प्रशिक्षक तथा व्यवस्थापक योगेश भट्टराईले नेपालले स्वर्ण पदक जित्न सक्ने सम्भावना रहेको बताएका छन् । 

प्याराग्लाइडिङको टिम क्रसकन्ट्रीमा पाँच खेलाडी सहभागी छन् । 

टिमको नेतृत्व अनुभवी पाइलट बिमल अधिकारीले गरेका छन्  । त्यस्तै, अन्य चार खेलाडीमा  युकेश गुरुङ, विजय गौतम, सुशील गुरुङ र बिशाल थापा छन् ।

प्रकाशित मिति: २०७५,भाद्र,१२,मंगलवार १२:४७

प्रतिक्रिया दिनुहोस !
सम्बन्धित खबरहरु

काठमाडौं । पाँचौँ बङ्गबन्धु सेन्ट्रल साउथ एशियन आर्टिस्टिक जिम्न्याष्टिक च्याम्पियनसिपमा सहभागी हुन १२ खेलाडीसहित २१ सदस्यीय नेपाली टोली बङ्गलादेशको ढाका

काठमाडौं । आज प्रिमियर लिग फुटबल अन्तर्गत आज म्यानचेस्टर युनाइटेड र लिभरपुल भिड्दै छन् । युनाइटेड र लिभरपुलबीचको खेल नेपाली

काठमाडौं । बिमल घर्तिमगरले ‘ए’ डिभिजन क्लब मछिन्द्र फुटबल क्लबसँगको सम्झौता नवीकरण गरेका छन् । मछिन्द्र क्लबले आइतबार पत्रकार सम्मेलन

काठमाडौं । युवा तथा खेलकुदमन्त्री महेश्वरजंग गहतराजले खेलाडीहरुको मनोबल बढाउन सरकारले ध्यान दिने बताएका छन् । आइतबार युवा तथा खेलकुद

ताजा समाचार

मोहन वैद्य डिस्चार्ज
 २०७८,कार्तिक,७,आईतवार १९:१३
गैँडाको खागसहित २ जना पक्राउ
 २०७८,कार्तिक,७,आईतवार १७:३१