काठमाडौं, २९ असोज— नेपाली कांग्रेस र फोरम लोकतान्त्रिकबीच आज हुने भनिएको पार्टी एकीकरण सोमबारको लागि सरेको छ ।आज साँझ प्रधानमन्त्री निवास बालुवाटारमा दुई पार्टीबीच एकता हुने भनिएपनि सांगठनिक र पदीय भागबण्डामा केहि कुरा मिल्न बाँकी रहेकाले एकता भोलि बिहान १० बजेको लागि सरेको कांग्रेस प्रभावशाली नेता अर्जुननरसिंह केसीले लोकपथलाई जानकारी दिए ।स्रोतका अनुसार विजयकुमार गच्छदारलाई उपसभापति वा महामन्त्री मध्ये एक पद कांग्रेस सभापति शेरबहादुर देउवा राजी भएका छन् । तर, सांगठनिक कुरा केहि मिल्न बाँकी रहेकाले आज निर्धारित एकता सरेको हो ।गच्छदार २०६४ सालमा सम्पन्न संविधानसभाको निर्वाचन अघि कांग्रेस छोडेर तत्कालिन मधेशी जनाधिकार फोरम प्रवेश गरेका थिए।पार्टी छोडेको करिव दश बर्षपछि उनी कांग्रेसमै फर्किन लागेका हुन्।
