८ कार्तिक २०७८, सोमवार

फ्लोरिडामा भएको गोली हानाहान केही जनाको मृत्यु

२०७५,भाद्र,११,सोमवार ०१:०७


एजेन्सी : अमेरिकाको फ्लोरिडा प्रान्तमा भएको गोली हानाहानमा केही जनाको मृत्यु भएको छ ।

जेक्सन्विल शहरको जेक्सन्विल ल्यान्डिंग नामको शपिंग इन्टरटेनमेन्ट एन्ड डाइनिंग कम्पलेक्समा गोली हानाहान भएको हो ।

जेक्सन्विलका शेरिफको कार्यालयले गरेको ट्विटको अनुसार केही मानिस घाइते भएका छन् ।

प्रहरीले तत्काल त्यस क्षेत्रमा कसैलाई नजान अपिल गरेको छ ।

शेरिफका अनुसार यो अप्रिय घटना घटित गराउने संदिग्ध श्वेत व्यक्ति पनि मारिएको हो ।

तत्काल कसैको खोजी कार्य भने भइरहेको छैन् ।

इन्टरटेनमेन्ट कम्पलेक्स भित्र एक रेस्टुरन्टमा भिडियो गेम टुर्नामेन्टको क्रममा गोली हानाहान भएको जानकारी प्राप्त भएको बीबीसीले जनाएको छ ।

भिडियो गेम टुर्नामेन्टमा गोली हानाहान भएको आवाज सुन्न सकिन्छ । यो प्रतियोगितमा भाग लिनेहरू त्यतिखेर अमेरिकी फुटबल गेम मेडन खेलिरहेका थिए ।

लस एन्जेल्स टाइम्सका अनुसार एक खेलाडी खेल हारेपछि गोली हानाहान शुरू भएको थियो । तर यसको पुष्टि हुन सकेको छैन् ।

१९ वर्षका द्रिदी जोका पनि यसमा खेलिरहेका थिए । उनले ट्विटरमा यो उनको लागि सबैभन्दा खराब दिन भएको उल्लेख गरेका छन् ।

उनले लेखेका छन् “ म भाग्यमानी हुँ । गोली मेरे बूढी औंलामा मात्र लागेको छ ।”

प्रहरीका अनुसार घटनास्थलमा लुकिबसेकाहरूलाई निकाल्ने काम भइरहेको छ ।

स्थानीय समाचार संस्थाहरूका अनुसार यो घटनामा ४ जनाको मृत्यु भइसकेको र ११ जना घाइते रहेका छन् । 

रोयटर्सका अनुसार जेक्सन्विलको युएफ हेल्थ हस्पिटलमा ५ जनालाई ल्याइएको छ ।ती मध्ये ५को अवस्था स्थिर र एक जनाको स्थिति गम्भीर रहेको छ ।
 

प्रकाशित मिति: २०७५,भाद्र,११,सोमवार ०१:०७

प्रतिक्रिया दिनुहोस !
सम्बन्धित खबरहरु

नयाँ दिल्ली । भारतमा कोरोनाभाइरसबाट दैनिक सङ्क्रमितहरुको सङ्ख्या फेरि घटेको छ । सरकारी अधिकारीहरुले पछिल्लो २४ घण्टामा १४ हजार ३०६

काठमाडौं । खाबी लेम टिकटकमा सबैभन्दा चर्चित व्यक्तिको सूचीमा दोस्रो स्थानमा रहेका छन् । अमेरिकी नृत्याङ्गना चार्ली डी अमेलियोपछि टिकटक

काठमाडौं । सुडानको सेनाले प्रधानमन्त्री अब्दल्ला हम्डकसहित दर्जनौ नेताहरुलाई गरिफ्तार गरेको छ । प्रधानमन्त्री हम्डकलाई अपदस्थ नै गरेर सेनाले सत्ता

काठमाडौं । आउँदो जाडोयाममा २ करोड २० लाख भन्दा बढी अफगानीहरु ‘तीव्र खाद्यान्न असुरक्षा’ को शिकार बन्नेछन्, संयुक्त राष्ट्र संघीय

ताजा समाचार

लमजुङमा भूकम्पको धक्का महसुस
 २०७८,कार्तिक,८,सोमवार २२:१७
सात दिनदेखि अवरुद्ध राजमार्ग सञ्चालन
 २०७८,कार्तिक,८,सोमवार २२:०४
एमालेको पालिकास्तरमा मङ्गलवार अधिवेशन
 २०७८,कार्तिक,८,सोमवार २१:३०
च्यासलमा थप दुई विदेशी खेलाडी अनुबन्ध
 २०७८,कार्तिक,८,सोमवार २१:१६