स्पेन । स्पेनिस ला लिगा फुटबल अन्तर्गत बार्सिलोनाले संघर्षपूर्ण जीत हात पारेको छ ।
घरेलु मैदानमा शनिबारराति सम्पन्न भएको खेलमा भालाडोलिड बार्सिलोनासँग १-० गोल अन्तरले पराजित भएको हो । प्रतिस्पर्धात्मक खेलको पहिलो हाफसम्म दुवै क्लब गोलरहित बराबरीमा रोकिएका थिए ।
दोस्रो हाफमा सुधारिएको खेल खेलेको बार्सिलोनाका लागि खेलको ५७ औँ मिनेटमा औसमाने डेम्बेलेले गोल गर्दै क्लबलाई शुरुवाती अग्रता दिलाए ।
डेम्बेलेले गोल गरेपछि निक्कै आक्रामक बनेको भालाडोलिडले निर्धारित समयसम्म केही गोल गर्ने मौका पाएपनि सदुपयोग भने सकेन र खेल १-० गोल अन्तरले हार्यो ।
बार्सिलोनाको यो लगातार दोस्रो जित हो । जितसँगै बार्सिलोना ६ अंकसहित शीर्ष स्थानमा रहेको छ ।
त्यस्तै, शनिबारराति नै भएको अर्को खेलमा खेलमा एथ्लेटिको म्याड्रिडले रायो भाल्लेकानोलाई १-० गोल अन्तरले पराजित गरेको छ ।
म्याड्रिडका लागि एन्टोइन ग्रिजम्यानले गरेको एक मात्र गोल नै निर्णायक बनेको थियो ।
यो खबर पढेर तपाईलाई कस्तो महसुस भयो ?
प्रतिक्रिया