जाकार्ता । इन्डोनेशियामा भइरहेको १८ औँ ‘एशियाड’ अन्तर्गत प्याराग्लाइडिङको टिम क्रसकन्ट्री बिधाको पहिलो चरणको खेलमा नेपाल तेस्रो भएको छ ।
शनिवार सम्पन्न भएको पहिलो चरणको खेल सकिँदा नेपाली पुरुष टोली तेस्रो स्थानमा रहेको स्थानमा छ । पदकको आशा गरिएको यो स्पर्धामा दक्षिण कोरिया पहिलो स्थानमा छ भने आयोजक राष्ट्र इन्डोनेशिया दोस्रो स्थानमा छ ।
१० राष्ट्र सहभागी यो स्पर्धाको बाँकी चरणको खेल आइतार सञ्चालन हुनेछ ।
त्यस्तै, शनिवार नै भएको महिलातर्फको खेलमाा नेपाली टोली चौँथो स्थानमा छ । दक्षिण कोरिया पहिलो, जापान दोस्रो र इन्डोनेशिया तेस्रो स्थानमा छ ।
यसअघि प्रतिस्पर्धा गरेको एक्यूरेसी बिधामा भने नेपालको महिला र पुरुष टोलीले खासै राम्रो प्रदर्शन गरेको थिएन् ।
यो खबर पढेर तपाईलाई कस्तो महसुस भयो ?
प्रतिक्रिया