३१ आश्विन २०७८, आईतवार

तीव्र आर्थिक तथा सामाजिक विकासमा सरकार लागिपरेको छ : प्रधानमन्त्री ओली

२०७५,भाद्र,९,शनिवार ११:२०


भक्तपुर । प्रधानमन्त्री केपी शर्मा ओलीले मुलुकको तीव्रत्तर आर्थिक तथा सामाजिक विकास गर्ने लक्ष्यका साथ सरकार अगाडि बढिरेहको बताएका छन् । 

भक्तपुरको खरिपाटीमा आज मदन भण्डारी एशियाली विद्यालयको उद्घाटन गर्दै उनले भने, “भावी पुस्तालाई नेपालको तीव्रत्तर आर्थिक, सामाजिक र सांस्कृतिक विकास देखाउने गरी समृद्धिको लक्ष्य हासिल गर्न सरकार सक्रियरुपमा लागि परेको छ ।” 

प्रधानमन्त्री ओलीले समाजवाद उन्मुख कम्युनिष्ट पार्टीको वर्तमान सरकारले दिगो आर्थिक विकासलाई उच्च प्राथमिकतामा राखेको चर्चा गर्दै सुखी नेपाली समृद्ध नेपाल बनाउने कार्य चुनौतीपूर्ण भएपनि नेपाल आफैँमा स्रोत र साधनले सम्पन्न भएकाले यसको समुचित प्रयोग गरिने दृढता व्यक्त गरे । 

दुई ठूला छिमेकी राष्ट्रसँगको सन्तुलित सम्बन्ध स्थापित गरी भारत र चीनबाट मेट्रो रेल सञ्चालनमा ल्याइने बताउँदै उनले नेपालमा अब द्वन्द्व व्यवस्थापन भइसकेकाले विकास र समृद्धिलाई पूर्णता दिइनेछ भने । 

पूर्वप्रधानमन्त्री एवं नेकपाका वरिष्ठ नेता माधवकुमार नेपालले मुलुकको समृद्धि र आर्थिक विकासको जिम्मेवारी कम्युनिष्ट सरकारको काँधमा आएको उल्लेख गर्दै यसका लागि आउने चुनौतीको सामना गर्दै आफ्नो जिम्मेवारीलाई सरकारले पूरा गर्छ बताए । 

मदन भण्डारी एशियाली विश्वविद्यालय स्थापना गर्न यो सरकारले पहल गर्नुपर्नेमा पनि उनले जोड दिए । 

नेता वामदेव गौतमले देशमा धेरै अवसर आएकाले यसलाई सरकारले सदुपयोग गर्नुपर्ने बताए । 

आजदेखि आगामी २१ दिनसम्म आवासीयरुपमा सञ्चालन हुने कक्षामा नेपाल, भारत, बङ्गलादेश, श्रीलङ्का, पाकिस्तान, थाइल्याण्ड, इष्टिमोर्ड, अर्जे्न्टिना, ब्राजिल, तान्जिनिया, ट्युनिसिया, मोरेसियो, फिलिसिन्स, दक्षिण अफ्रिकालगायतका ५० जना नागरिकको सहभागिता छ । 

नेता माधवकुमार नेपाल संरक्षक रहेको सो विद्यालयको पहिलो पटक शुरु भएको कक्षामा पहिलो समूहको नाम पुष्पलाल दिइएको छ भने यस प्रकारका कक्षा आगामी दिनमा पनि सञ्चालन हुनेछ । 

अन्तर्राष्ट्रियस्तरको यस विद्यालयमा माक्र्सवाद, लेलिनवाद एवं कम्युनिजमका बारेमा पढाइने छ । पढाइसँगै सामाजिक एवं व्यावहारिक काम कसरी गर्ने भन्नेबारेमा प्रयोगात्मक कक्षासमेत सञ्चालन हुनेछ । 

२१ दिनको प्रशिक्षणमा नेपालबाट नेता माधवकुमार नेपाल, पुष्पकमल दाहाल, नारायणकाजी श्रेष्ठ, मोदनाथ प्रश्रित, वामदेव गौतम, विष्णु पौडेल, अमेरिकाका क्रिसो क्रुसो, भारतबाट डा विजयप्रसादलगायत विभिन्न देशका कम्युनिजमका विज्ञले प्रशिक्षण दिने कार्यक्रम रहेको संयोजक प्रमेश पोखरेलले जानकारी दिए । 
 

प्रकाशित मिति: २०७५,भाद्र,९,शनिवार ११:२०

प्रतिक्रिया दिनुहोस !
सम्बन्धित खबरहरु

काठमाडौं । सर्लाही जिल्लाको चन्द्रनगर गाउँपालिका-४, पोखरियामा जनता समाजवादी पार्टी, नेपाल (जसपा) ले आयोजना गरेको पार्टी प्रवेश कार्यक्रम शनिबार भव्यताका साथ

काठमाडौं । प्रधानमन्त्री शेरबहादुर देउवाले त्रिभुवन विश्वविद्यालयका पूर्वपरीक्षा नियन्त्रक एवं पूर्वाञ्चल विश्वविद्यालय सेवा आयोगका पूर्वाध्यक्ष प्रा. बद्रिनाथ श्रेष्ठको असामयिक निधनप्रति

काठमाडौं । प्रधानमन्त्री शेरबहादुर देउवासँग मन्त्री तथा उच्च सरकारी अधिकारीले विजयादशमीको अवसरमा आज टीका ग्रहण गरेका छन् । प्रधानमन्त्री निवास

काठमाडौं । सङ्घीय गणतन्त्र नेपालका प्रथम राष्ट्रपति डा. रामवरण यादवले गृहनगर जनकपुरधामस्थित सपही गाउँमा गुरु पुरोहितबाट बिहान १०ः०२ बजेको साइतमा

ताजा समाचार