३० आश्विन २०७८, शनिवार

१८ औँ ‘एशियाड’: आर्चरीमा नेपालका तिलक पुन मगर प्रि-क्वाटरफाइनलबाटै बाहिरिए

२०७५,भाद्र,७,बिहीवार ०७:२१


जाकार्ता । इन्डोनेशियामा जारी १८ औँ ‘एशियाड’ अन्तर्गत आर्चरीको एकल रिकर्भमा नेपालका तिलक पुन मगर प्रि-क्वाटरफाइनलबाटै बाहिरिएका छन् । 

बिहीवार भएको अन्तिम १६ को खेलमा नेपालका मगर चीनका जु तियान्युसँग निक्कै प्रतिस्पर्धात्मक ६-४ को सेटमा पराजित हुँदै प्रतियोगिताबाट बाहिरिएका हुन् ।

मगरले खेलको पहिलो सेट २६-२६ स्कोर बनाउँदै ड्र खेलेका थिए । त्यस्तै, दोस्रो सेटमा सुधारिएको खेल खेलेका उनले चीनका खेलाडीलाई २९-२७ स्कोरले पराजित गरे । तेस्रो सेट चीनका तियान्युले २९-२७ ले जिते ।

प्रतिस्पर्धात्मक र रोमाञ्चक खेलको चौंथो सेटमा दुवै खेलाडीले २८-२८ स्कोर बनाउँदै बराबरी खेले । तर, अन्तिम सेटमा तियान्युले ३०-२५ स्कोरले नेपालका खेलाडीलाई हराउँदै क्वाटरफाइनलको यात्रा तय गरे ।

मगरले कुल १ सय ३५ अंक बनाएका थिए भने चीनका खेलाडीले १ सय ४० अंक बनाए । 

यसअघि बिहीवार नै भएको राउण्ड अफ ३२ मा नेपालका तिलकले भुटानका वाङदी लामालाई ६-० ले  पराजित गर्दै अघिल्लो चरणमा प्रवेश गरेका थिए । 

पहिलो सेट २७-२५ स्कोरमा जीत हात पारेका तिलकले दोस्रो सेट २६-२५ स्कोरले आफ्नो पक्षमा पारे । तेस्रो तथा अन्तिम सेटमा २९-२३ स्कोरको नतिजा निकाल्दै तिलकको प्रि-क्वाटरफाइनलको यात्रा तय गरेका थिए । 

छनोटमा ६ सय ४१ अंक जोड्दै ३७ औं स्थान हासिल गरेका तिलकले खेल अबधिभर राम्रो प्रदर्शन गरे ।

 

यसै स्पर्धामा सहभागी भएका अर्का नेपाली खेलाडी रोशन नगरकोटीले श्रीलंकाका सजीव डा सिल्भासँग ६-० ले पराजित भए । रोशन श्रीलंकाका सिल्भासँग  २७-२४, २८-२४, २७-२५ ले पराजित भए । 

यता महिलातर्फ ज्ञानु हङकङकी लाम शुक चिङ अदासँग ६-२ ले पराजित हुँदै प्रतियोगिताबाट बाहिरिएकी छिन् । 

पहिलो सेट २७-२२, दोस्रो सेट २७-२३ र तेस्रो सेट २६-२१ ले गुमाउँदै ज्ञानुको एशियाड यात्रामा पूर्णविरामा लागेको हो । यसअघि ज्ञानुले छनोट चरणमा ५ सय ८६ अंक जोड्दै ५५ औं स्थानमा रहेकी थिइन् । 
 

प्रकाशित मिति: २०७५,भाद्र,७,बिहीवार ०७:२१

प्रतिक्रिया दिनुहोस !
सम्बन्धित खबरहरु

काठमाडौं । नेपाल क्रिकेट संघ (क्यान) ले राष्ट्रिय महिला क्रिकेट टिमको बन्द प्रशिक्षणका लागि २४ खेलाडी छनोट गरेको छ ।

काठमाडौं । भारतीय क्रिकेट टिमका मुख्य प्रशिक्षकमा नियुक्त भएका छन् । युएई र ओमानमा आयोजना हुने टी-ट्वान्टी विश्वकपपछि द्रविडले भारतीय

काठमाडौं । नेपाली राष्ट्रिय फुटबल टिमका मुख्य प्रशिक्षक अब्दुल्लाह अल्मुताइरीले दक्षिण एसियाली फुटबल फेडेरसन (साफ) ले नेपाली फुटबल र आफू

काठमाडौं । नेपालका फरवार्ड अन्जन विष्टले माल्दिभ्समा जारी साफ च्याम्पियनसिप फुटबल अन्तर्गत भारतविरुद्धको फाइनल खेल गुमाउने भएका छन् । दुई

ताजा समाचार

बसको ठक्करबाट मोटरसाइकल चालककको मृत्यु
 २०७८,आश्विन,३०,शनिवार १५:३८
लागूऔषधको बढ्दो प्रयोगले अपराध बढ्दै
 २०७८,आश्विन,३०,शनिवार १५:३४
काठमाडौंमा चहलपहल बढ्यो
 २०७८,आश्विन,३०,शनिवार १५:३०
धनगढी-स्याउले सडक खण्डमा कालोपत्र सुरु
 २०७८,आश्विन,३०,शनिवार १४:५३
सर्पको डसाइबाट एक युवकको मृत्यु
 २०७८,आश्विन,३०,शनिवार १४:३७
मौषम अपडेट : आजदेखि वर्षाको सम्भावना
 २०७८,आश्विन,३०,शनिवार १४:३०