सोमालिया, २९ असोज। सोमालियाको राजधानी मोगादिशुमा भएको बम आक्रमणमा परि कम्तिमा ३० जनाको मृत्यु भएको छ । राजधानी मोगादिसुको व्यस्त क्षेत्रमा रहेको एक होटलको प्रवेशद्वार नजिक विस्फोटक पदार्थले भरिएको लरी विस्फोट भएको प्रहरीले जनाएको छ । घटनामा दर्जनौं मानिस घाइते भएकाले ज्यान गुमाउनेको संख्या बढ्न सक्ने प्रहरीलाई उद्धृत गर्दै बिबिसीले जनाएको छ । अहिलेसम्म आक्रमणको जिम्मेवारी कुनै पनि समूहले लिएको छैन । आक्रमण स्थानीय आतंकवादी समुहले गराएको हुनसक्ने प्रहरीले अनुमान गरेको छ। घटनाको अनुसन्धान सुरु भएको पनि सोमालियाली प्रहरीले जनाएको छ । मोगादिशुमा यस अघि पनि पटक पटक यस्ता आक्रमण हुने गरेको थियो ।
