२६ श्रावण २०७९, बिहीवार

स्पेनिस ला लिगा फुटबलमा बार्सिलोनाको विजयी यात्रा टुंगियो

२०७४,आश्विन,२९,आईतवार ०७:२४

0
Shares

बार्सिलोना , २९ असोज। स्पेनिस ला लिगा फुटबलमा बार्सिलोनाको विजयी यात्रा टुंगिएको छ । यो सिजनका सुरुका सात खेलमा जित निकालेको लिग लिडर क्याटलान क्लब बार्सिलोना शनिबार राति भएको खेलमा भने एथ्लेटिको मड्रिडसँग १–१ को बराबरीमा रोकिएको हो । घरेलु मैदानमा भएको खेलमा २१ औं मिनेटमा साउल निगुएजको गोलबाट एथ्लेटिको मड्रिडले अग्रता लियो । पहिलो हाफमा १–० ले पछि परेको बार्सिलोनाका लागि लुइस स्वारेजले ८२ औं मिनेटमा बराबरी गोल फर्काएर हारबाट जोगाए । स्वारेजले यो सिजन ला लिगामा तीन गोल गरेका छन् । लियोनल मेस्सीले दोस्रो हाफको सुरुमा फ्रि–किक मार्फत प्रहार गरेको बल पोस्टमा लागेर फर्किएको थियो । क्याटलान क्लब बार्सिलोनाको अक्टोबर १ मा क्याटालोनियामा भएको विवादास्पद जनमतसंग्रह पछि पहिलो राजधानी भ्रमण हो । स्पेनको राजधानी मड्रिडस्थित एथ्लेटिकोको मैदानमा खेल जारी रहँदा अधिकांश दर्शकले स्पेनको झण्डा देखाएर राष्ट्रिय एकताको आह्वान गरेका थिए । स्पेनमा क्याटालोनियाको स्वतन्त्रता सम्बन्धी विवाद उत्कर्षमा पुगेका बेला फुटबल मार्फत् एकताकालागि स्पेनीहरुले राजनीतिक नेतृत्वलाई आग्रह गरेका हुन् । उनीहरुले हामी ला लिगा फुटबलमा बार्सिलोना चाहन्छौं भन्ने प्लेकार्ड पनि देखाएका थिए ।

प्रकाशित मिति: २०७४,आश्विन,२९,आईतवार ०७:२४

प्रतिक्रिया दिनुहोस !
सम्बन्धित खबरहरु

काठमाडौं । नेपालले आगामी असोज असोज ११ गते दशरथ रंगशालामा बंगलादेशसँग एक मैत्रीपूर्ण खेल खेल्दैछ । अखिल नेपाल फुटबल संघ

काठमाडौं । नेपाल सुपर लिग (एनएसएल) को दोस्रो संस्करण असोज चौथो साताबाट सुरु हुने भएको छ । अखिल नेपाल फुटबल

काठमाडौं । वेस्ट इन्डिजविरुद्धको पहिलो टी-२० खेलमा न्युजिल्यान्डले १३ रनको जित निकालेको छ । १८६ रनको लक्ष्य पाएको घरेलु टोलीले

काठमाडौं । कतारमा आयोजना हुने फिफा विश्वकप फुटबल एक दिन अगाडि सार्ने प्रस्ताव पेश भएको भएको छ । सो प्रस्तावसँगै

ताजा समाचार