काठमाडौं । खानेपानीमन्त्री उमाकान्त चौधरीले वातावरण संरक्षणमा मुलुकका सबै पक्ष दत्तचित्त बन्नुपर्ने बताएका छन् ।
विश्व वातावरण दिवस तथा डिनको ४२औँ वार्षिकोत्सवको अवसरमा आइतबार काठमाडौंमा आयोजित कार्यक्रममा मन्त्री चौधरीले मानव जीवन र प्रकृतिबीचको सम्बन्धलाई सबैले आत्मसात गर्नुपर्ने समेत बताए । वातावरण संरक्षणलाई मन्त्रालयले प्राथमिकतामा राखेर काम गर्दै आएको र आगामी दिन अझै प्राथमिकताका साथ योजनाबद्ध रूपमा अघि बढाउने प्रतिबद्धता समेत जनाए ।
वातावरण संरक्षणजस्तो गम्भीर पक्ष सरकारको प्रयासले मात्रै सम्भव नरहने चर्चा गर्दै मन्त्री चौधरीले हरेक नागरिकलाई आफ्नो– आफ्नो तहबाट वातावरण संरक्षणमा लाग्न समेत आग्रह गरे ।
कार्यक्रममा खानेपानी मन्त्रालयका सचिव मणिराम गेलाल, नेपाल विज्ञान तथा प्रविधि प्रतिष्ठान नास्टका उपकुलपति सुनिलबाबु श्रेष्ठ , राष्ट्रिय योजना आयोगका पूर्वउपाध्यक्ष दिनेश चन्द्र देवकोटालगायतको सहभागिता रहेको थियो ।
कार्यक्रममा वातावरण प्रदूषणले विश्वमा पारेको प्रभाव र वातावरण संरक्षणसम्बन्धी विविध कार्यपत्र प्रस्तुत गरिएको थियो ।
यो खबर पढेर तपाईलाई कस्तो महसुस भयो ?
प्रतिक्रिया