हँसिया प्रहार गरि भाइ र छोराको हत्या, दुई जना घाइते

रुकुम: पश्चिम रुकुमक एक व्यक्तिले आफ्नै भाइ र छोराको हत्या गरेका छन् । आक्रमणबाट अरु दुई जना छोराहरु घाइते भएका छन् ।

मुसिकोट नगरपालिका १४ लहरेखेतमा बस्दै आएका करिब ३७ वर्षीय शंकर विष्टले बुधबार बिहान करिब साढे ६ बजेतिर एक्कासी आफ्ना भाइ र छोराहरुलाई घरेलु हतियारले अन्दाधुन्द आक्रमण गरेका थिए । उनको आक्रमणबाट २० वर्षीय भाइ गोकर्ण र करिब ६ वर्षीय छोरा सुदर्शनको मृत्यु भएको प्रहरी हबल्दार गणेशबहादुर साउदले जानकारी दिए ।

छोराहरु १३ वर्षीय प्रकाश र १० वर्षीय दिनेश घाइते भएका छन् । उनीहरुको जिल्ला अस्पताल सल्लेमा उपचार भइरहेको छ । आमा पानी लिन गएको बेला प्रकाशले आक्रमण गरेका थिए ।

भाइ र छोराहरुलाई आक्रमण गरेपछि शंकरले आफूले आफैलाई टाउकोमा हतियार प्रहार गरेका थिए । उनी पनि सामान्य घाइते छन् । 

स्थानीयले प्रकाशको मानसिक सन्तुलन ठीक नभएको बताएका छन् । 

उनलाई प्रहरीले नियन्त्रणमा लिएको छ । घटनाबारे अनुसन्धान जारी रहेको प्रहरीले जानएको छ   ।